Bakının ən qədim hissəsi olan İçərişəhər daim diqqət mərkəzində olub. Paytaxtın 22 hektar ərazisini əhatə edən ərazidə 1300-dən çox ailə yaşayır. Hər gün İçərişəhərin nadir arxitektura üslubunu görmək üçün, dolanbac küçələrini, dalanlarını, döngələrini gəzmək üçün çox sayda yerli əhali, həmçinin turistlər buranı ziyarət edir.  Qoruq ərazisində məşhur memarlıq abidələri - Qız qalası və Şirvanşahlar saray kompleksi ilə yanaşı, onlarla tarixi-memarlıq abidələri – məscidlər, karvansaralar, hamamlar, yaşayış evləri – yerləşir, bir neçə muzey, səfirlik, hotel, ticarət obyektləri, kafe və restoranlar fəaliyyət göstərir. Seyyah.az İçərişəhərdən hazırladığı fotoreportajı təqdim edir.