Azərbaycanda yaşamaq istəyən əcnəbilər yoxlanılacaq

Azərbaycanda yaşamaq istəyən əcnəbilərin bilikləri yoxlanılacaq.

Dövlət Miqrasiya Xidməti Azərbaycanda daimi yaşamaq icazəsinin alınması üçün müraciət edən əcnəbilər və vətəndaşlığı olmayan şəxslərə oktyabrın 11-i və 12-də müsahibə keçirəcək. Səyyah.az turizm portalının report-a istinadla məlumatına görə, müsahibənin məqsədi əcnəbilərin Azərbaycan Respublikasının qanunları ilə nəzərdə tutulmuş hüquq və vəzifələri, habelə dövlət dili ilə bağlı biliyinin yoxlanılmasıdır.Müsahibəyə ümumilikdə 95 nəfər dəvət olunub ki, onlardan 48-nin oktyabrın 11-də, qalanlarının isə oktyabrın 12-də bilikləri yoxlanılacaq.