Avtomobil idxalına görə rüsum artırılacaqmı?

Dövlət Gömrük Komitəsi avtomobil idxalına görə gömrük rüsumunun artırılmasına baxa bilər. 

Səyyah.az turizm və avtomobil portalı trend-ə istinadən bildirir ki, bunu Komitənin sədri Aydın Əliyev deyib. A.Əliyev qeyd edib ki, bu addım Azərbaycan-İran avtomobil zavodunun istismara verilməsindən sonra atıla bilər: "Avtomobil idxalı üzrə rüsumun artırılması haqqında düşünmək hələ tezdir. Son illərdə ölkəyə avtomobil idxalı xeyli azalıb. Neftçalada avtomobil zavodu tam gücü ilə işlədikdən sonra gömrük rüsumunun artırılması barədə düşünmək olar. Yalnız bundan sonra təhlil aparacağıq ki, idxal daxili istehsala mane olur, ya yox".