Avtomobilini kirayəyə verənlər üçün pis xəbər - VERGİ TUTULUR

Azərbaycanda avtomobilini icarəyə vsrən şəxslər vergi ödəməlidirlər.

Səyyah.az turizm və avtomobil portalı FED.az -a istinadən xəbər verir ki, bu barədə Vergilər Nazorliyindən bildirilib."Fiziki şəxs digər şəxslərə icarəyə avtomobil verərsə, qanunvericiliyə görə icarə haqqının neçə faizi vergiyə cəlb olunacaq?" sualına cavab olaraq Vergilər Nazirliyinin Media və Kommunikasiya Mərkəzindən bildirilib ki, fiziki şəxslərə məxsus daşınan əmlakın, o cümlədən də avtomobilin icarə haqqından ödəmə mənbəyində 14 faiz dərəcə ilə vergi tutulur.İcarə haqqı vergi ödəyicisi kimi uçotda olmayan fiziki şəxs tərəfindən ödənildikdə, icarəyə verən vergi uçotuna dayanaraq, 14 faiz dərəcə ilə vergini özü ödəyir.