Azərbaycanda burun əməliyyatları neçəyədir? – QİYMƏT CƏDVƏLİ

Rinoplastika – burun estetistikası ölkəmizdə ən çox müraciət edilən estetik əməliyyat növüdür. Dik, qələmlə çəkilmiş qədər dəqiq, nar dənəsi qədər bir-birinin eyni olan burunlar da bunu təsdiqləyir. Burun estetitikasına önəm verən xalqlar arasında olduğumuz üçün bu əməliyyatın risklərini və maddi tərəflərini o qədər də çox düşünmürük. Əksər qadınlar nəyin bahasına olur-olsun əyri burunla yaşamaq istəmirlər. Və bu amil estetik əməliyyatları tibb müssisələri üçün gəlirli biznesə çevirib.

Səyyah.az saytı estetik əməliyyatların ən geniş yayılmış bu növünə görə tibb ocaqlarının tələb etdiyi qiymətlərlə bağlı kiçik bir araşdırma apardı.

Məlum oldu ki, hazırda Bakıda estetik əməliyyatı onlarla klinika həyata keçiririr. Ən geniş yayılmış plastik əməliyyatlar da burunun korreksiyasıdır. Klinikaların bir çoxunda bunun üçün xüsusi paketlər təklif olunur. Buraya əməıiyyatla yanaşı analiz xərcləri, klinikada qalmaq (adətən 1 gün), yemək,  tibbi xidmətlər də daxildir. Bəzi klinikalarda isə analizlər ayrıca ödənilir.

Əksər klinikalarda burun əməliyyatlarının qiyməti fərdi olaraq, müayinə zamanı aşkarlanan problemlərə görə təyin edilir.  Bununla belə, bəzi kliniklardan öyrəndiklərimiz əsasında, o cümlədən yaxın aylarda əməliyyat keçirmiş vətəndaşların rəylərinə əsasən kiçik bir cədvəl hazırladıq.

Qeyd edək ki, bəzi klinikalarda əməliyyat öncəsi aparılan  analiz və digər tibbi prosedurlar üçün təyin eidlmiş qiymətlər əməliyyat qiymətinə aid edilmir. Bunun üçün ayrıca ödəniş etmək lazım gəlir.

Məlumat üçün bildirək ki, plastik əməliyyatlar statistikasının dəyişməz lideri Amerikadır. İkinci pillədə Braziliya, 3-cü yerdə Meksika qərarlaşıb. 4-cü və 5-ci yeri müvafiq olaraq İtaliya və Çin tutur. Xüsusilə də Çin tibbi turizmdən milyarlarla dövriyyəsi olan gəlirə sahibdir. Bu ölkədə sadəcə tibbi turizm üçün plastik cərrahiyyədə ixtisaslaşmış 20 min xəstəxana var.