«Wizz Air» də Azərbaycana qayıdır
Endirimli qiymətə uçuşları ilə dünyada məşhur olan Macarıstanın Wizz Air şirkəti Azərbaycana uçuşlarını bərpa edəcək. Seyyah.az-ın məlumatına görə, bu barədə “Azərbaycan Hava Yolları” QSC-nin mətbuat xidmətinin rəhbəri Paşa Kəsəmənski bildirib.
«AZAL»dan deyiblər ki, Wizz Air şirkəti 24 avqust tarixində bizə 2016-ci ilin mart ayından aviareyslərin həyata keçirilməsi niyyətində olduğunu bildirib.
“Bizim tərəfdən 2016-ci ilin mart ayından aviareyslərin həyata keçirilməsinə razılıq verilib. Onu da bildirmək istərdik ki, Azərbaycan tərəfi Wizz Air şirkətinə 2015-ci ilin yay və qış mövsümü ərzində uçuşların həyata keçirilməsi barədə bir neçə müraciət edib, lakin cavab almayıb”.
2016-cı ilin martında uçuşların bərpasına gəldikdə isə, AZAL-dan qeyd ediblər ki, “bununla bağlı yaxın zamanlarda tərəflərin görüşüb danışıqlar keçirməsi gözlənilir”.
