Dərs ilinin müddətənini uzadılması barədə Təhsil Nazirliyinin qərarı ölkədə daxili turizmin inkişafına mənfi təsir göstərəcək. Bu barədə ölkənin ən böyük turim obyektlərindən birinin - Nabrandakı «Atlant» istirahət mərkəzinini sahibi Tahil Balaqədaşov bildirib.
Qeyd edək ki, Təhsil Nazirliyinin qərarı ilə 2015-2016-cı dərs ilində dərs ilinin müddəti iyunun 15-dək uzadılıb. Sahibkarın sözlərinə görə, yay mövsümü formal olaraq 3 ay davam etsə də, hazırda onsuz da orta məktublərin buraxılış imtahanları və ali məktəblərə qəbul imtahanları səbəbindən istirahət mərkəzləri yalnız 30-35 gün müddətində normal turist axını qəbul edirlər.
Dərs ilinin uzadılmasından sonra isə turistlərin sayı daha da azalacaq: «Hazırda mövsüm ərzində 30-32 gün turist axını toplanırdısa , gələn il yəqin ki, o da olmayacaq». T.Balaqədeşov ildirib ki, yerli turizmin inkişafı üçün ölkədə turizm mövsümünün aprel-may aylarından başlanması vacibdir. Xatırladaq ki, bir qədər əvvəl Türkiyədə turizm gəlirlərinin azalması səbəbindən, turoperatorların müraciəti əsasında hökumət dərs ilinin uzadılması barədə qərar qəbul edib.
fins.az
