Hansı şirkətlə uçmaq sərfəlidir? – LONDON, PARİS, NYU-YORK

2016-cı ili Eyfel qülləsinin işığında, ya da Temzadakı kruiz gəmisində bayram süfrəsi qarşısında qeyd etməyi kim istəməz ki…

Azərbaycanda Yeni ili qeyd etmək üçün səyahət seçiminə başlanıb. Ölkə vətəndaşlarının bir hissəsi 2016-cı ili xaricdə qarşılamaq niyyətindədir. Belələri ya turizm şirkətlərinə üz tutur, ya da aviaşirkətlər və xarici otellər vasitəsilə özlərinə «Krismas» səyahəti qururlar. Bunların arasında Yeni ilk Britaniya, Fransa və ABŞ-da qarşılamaq istəyənlər də az deyil. Həmin şəhərlərə təyyarə uçuşları çox olduğuna görə, bəzən seçim asan olmur. Bunu nəzərə alaraq fins.az ən populyar istiqamətlərə uçuş biletlərinin müqayisəli qiymətlərini təqdim edir. Biletlərin qiymətləri öyrənilərkən Yeni İl səyahəti üçün əldə edilməsi nəzərə alınıb, yəni səyahətçinin dekabrın 29-da gedib, yanvarın 5-də qayıtması əsas götürülüb.

İlkin araşdırmalar göstərir ki, uçuşlar bir-birlərindən təkcə qiymətinə görə yox, uçuş müddətinə və rahatlığına görə fərqlənir. Bəzi hallarda qiyməti sərfəli olan uçuşlar zamanı daha çox vaxt itirilir və ya əksinə. Hər halda potensial müşərilər bu araşdırmanın köməyi ilə özlərinə uyğun olan variantları seçə bilərlər.