AZAL Avropaya yeni reys açdı - QİYMƏTLƏR
AZAL-dan Seyyah.az-a verilən məlumata görə, birgə istismar haqqında razılaşmaya (code-share agreement) əsasən, “airBaltic” aviaşirkətinin bu hava xətti üzrə reysləri hər iki aviaşirkətin kodları altında həyata keçiriləcək. Riqadan Bakıya birbaşa uçuş hər həftənin çərşənbə və bazar günləri baş tutacaq. Əks istiqamətdə uçuşlar isə bazar ertəsi və cümə axşamı günləri yerinə yetiriləcək.
Heydər Əliyev Beynəlxalq Hava Limanından uçuş - Bakı vaxtı ilə səhər saat 07:05 –də, Riqa Beynəlxalq Hava limanına enmə - yerli vaxtla saat 09:15-də. Riqadan uçuş - yerli vaxtla saat 23:55-də, Heydər Əliyev Beynəlxalq hava Limanına enmə - Bakı vaxtı ilə saat şəhər 05:50-dədir.
Bakı-Riqa-Bakı marşrutu üzrə aviabiletin qiyməti 314 avrodan başlayır.
Latviyanın paytaxtı Riqa Baltikyanı ölkələrin ən böyük şəhəri və ölkənin əsas turizm mərkəzidir. Riqanın Köhnə Şəhər, Lido əyləncə mərkəzi və digər maraqlı turistik yerləri müxtəlif ölkələrindən hər il minlərlə turist cəlb edir.
Riqaya reyslər biznes və ekonom salonlu, komfortlu Boeing-737 laynerləri ilə həyata keçiriləcək.
Biletləri AZAL-ın və “airBaltic” aviaşirkətinin kassalarında əldə etmək və www.azal.az və www.airbaltic.com saytlarında bronlaşdırmaq mümkündür.
