Martın 8-də "İçərişəhər" Dövlət Tarix-Memarlıq Qoruğu İdarəsi tərəfindən "Hər xanım - bir gül" adlı aksiya keçiriləcək. "İçərişəhər" Dövlət Tarix-Memarlıq Qoruğu İdarəsindən Seyyah.az-a verilən məlumata görə, 2011-ci ildən həyata keçirilən və artıq ənənə halını almış bu aksiyanın əsas məqsədi həmin gün İçəri Şəhərin qonağı olan hər bir xanımın bayram sevincini artırmaqdır.
8 Mart günü saat 10.00-dan etibarən Qoşa Qala Qapısından İçəri Şəhərə daxil olan hər xanıma skripkaçının müşayiəti ilə 2 pantomima aktyoru tərəfindən qızılgül təqdim ediləcək.