Avropanın ən bahalı kəndi - FOTOLAR

Lex qış idman növləri həvəskarlarının istirahəti üçün ən yaxşı yerlərdən biri hesab olunur. “Best of the Alps” prestijli kurortlar qrupuna daxil edilən Lex Avropanın təkcə ən gözəl deyil (2004-cü ildə bura “Prettiest Village in Europe” titulunu alıb), həm də ən bahalı kəndidir. 

Burada dünyanın müxtəlif yerlərindən olan məşhurlar istirahət edir, buna səbəb isə qar örtüyünün bütün mövsüm ərzində əla vəziyyətini təmin edən xüsusi iqlim şərtləri, ultramüasir qaldırı sistemlər və dağ xizək infrastukturunun yüksək səviyyəsidir. Ancaq çoxsaylı mükafatlar və tanınma Lexə Alp dağları kəndinin koloritini qorumağa mane olmur, burada görkəm və dəbdəbə inanılmaz şəkildə sakitlik və ev rahatlığı ilə vəhdət təşkil edir. Lexdə qış istirahətinin bütün üstünlüklərini qiymətləndirərək, digər mövsümlərin xüsusiyyətlərini nəzərə almamaq doğru olmazdı. Bu Alp kurortunun peyzajları yazda, yayda və payızda da möhtəşəmdir. Formarinze və Planze göllərinə açılan mənzərələr nəyə desən dəyər. Özü də yay mövsümündə burada istirahətdən əlavə, musiqi festivalları, müasir incəsənət sərgiləri kimi mədəni tədbirlərdən zövq almaq olar. Lex həm də quş ovu etmək üçün ən yaxşı regionlardan biridir. Odur ki, mövsüm dəyişikliyi ilə xizək həvəskarlarını ov həvəskarları əvəz edir. 

Təəccüblü deyil ki, 90 kvadrat kilomet ərazi tutan kənd otellərlə doludur. Buna səbəb isə burada turistlərin sayının azalmamasıdır. Lexin tam mərkəzində, poçt stansiyasının keçmiş binasında ən maraqlı beşulduz otellərdən biri olan "Gasthof Post" yerləşir. Otel 1937-ci ildə Moosbruqqer ailəsi tərəfindən açılıb. "Gasthof Post Lech" müxtəlif rəngli fasadı və çiçəklərlə bəzədilmiş parlaq pəncərələri olan kənd mehmanxanasıdır. Ağac panellərlə örtülmüş divarlar, interyerdə əl işi olan mebel, ovçu qənimətləri və əntiq əşyalar, qobelenlər və rəsmlər otelə bütövlük və təkrarolunmaz gözəllik verir.