AZAL Bakı-Lvov-Bakı marşrutu üzrə birbaşa uçuşlara başlayacaq
Seyyah.az "APA-Economics"ə istinadən xəbər verir ki, "Azərbaycan Hava Yolları" QSC (AZAL) Bakı-Lvov-Bakı marşrutu üzrə birbaşa müntəzəm uçuşlara başlayacaq.
Aviauçuşlarla bağlı AZAL-ın bu gün Ukraynanın "Mirotel" turizm şirkəti ilə müqavilə imzalayacağı gözlənilir. Bunu ukraynalı turizm şirkətinin baş meneceri Yelena Qeraşenko bildirib.
Onun sözlərinə görə, aviauçuşların may ayının ikinci yarısından etibarən yerinə yetirilməsi nəzərdə tutulub: "Qeyd edilən marşrut üzrə aviauçuşlar həftədə iki dəfə -cümə axşamı və bazar günləri həyata keçiriləcək".
Şirkətinin nümayəndəsi deyib ki, bu aviareys Lvov şəhərinin yaxınlığında yerləşən Truskavets və Morşin sanatoriya-kurort müəssisələrinə və Karpat dağlarındakı istirahət zonalarına getmək istəyən vətəndaşlarımız üçün çox əlverişlidir.
