Şahdağda qış mövsümü başladı – QİYMƏTLƏR
Artıq sabahdan Şahdağ istirahət mərkəzində qış mövsümü başlayacaq. Şahdağla yanaşı Qəbələdə yerləşən Tufandağ qış və yay istirahət kompleksində də sabahdan etibarən qış mövsümü üçün kompleks tam istifadəyə veriləcək. Qeyd edək ki, Tufandağda artıq bir neçə gün bundan qabaq bir xizək xətti istifadəyə verilib. Sabahdan etibarən isə bütün xəttlər işə başlayacaq.
Şahdağda sayca beşinci olacaq bu qış mövsümü üçün bütün texniki hazırlıq işləri başa çatdırılıb. Kanat yolları və xizək yamacları istifadəyə hazır vəziyyətə gətirilib.
Hər il olduğu kimi bu il də xizəkçilik üstünlük təşkil etsə də, aeroxizəkdə gəzinti, kanatla yüksəklikdən sürüşmə – ziplayn, kvadrosikll turları, uşaqlar üçün kirşələr, qarda tübinq, qarsıxıcı maşınlarda maraq dolu gəzinti və buz meydançası kimi qış əyləncələrinə əlavə olaraq, peyntbol, at üstündə gəzinti, uşaq parkı, paraplan və atıcılıq kimi yeni qış əyləncələri də hazırlanıb. Ənənəvi əyləncələr sırasına bu il atıcılıq və parapalan xidməti əlavə ediləcək.
Qeyd edək ki, bütün əyləncələrdən istifadə zamanı turistlər hər cür təhlükəsizlik ləvazimatları ilə təmin edilir və daim bələdçilərin nəzarəti altında olurlar.
Əyləncə xidmətlərindən istifadə isə 4-55 manat arasında dəyişir
Xizək-bütün günü-26 manat
yarım gün-16 manat
Xizək tam forma ilə-55 manat
Xizək maşını ilə -30 dəq gəzinti – 16 manat
1 saat – 26 manat
Paintbol-100 top-12 manat
200 top-21 manat
Aeroxizək-10 dəq-21 manat
20 dəq-36 manat
Kvadrasikll turları-20 dəq-31 manat
10 dəq -11 manat
Tübinq 3 dəfə eniş-4 manat
5 dəfə eniş-5 manat
Ziplayn iki dəfə eniş-17 manat
Bir dəfə eniş-9 manat
Kanat bir dəfə-6 manat
Kanat uşaqlar üçün-4 manat
Qeyd edək ki bu mövsüm Şahdağda yeni paraplan və atıcılıq xidmətləri istifadəyə verilsədə amma bu xidmətlərdən istifadənin neçəyə olması hələki müəyyənləşməyib.
Tufandağ qış və yay istirahət mərkəzində isə xizəkdən istifadə tam kostyumla birlikdə 50 manatdır.
