Fevralın 16-da Bakıda turizm biznesinin peşəkarları üçün “B2B Luxury & MICE Workshop” illik Workshop keçiriləcək.
Mədəniyyət və Turizm Nazirliyinin informasiya və ictimaiyyətlə əlaqələr şöbəsindən Seyyah.az-a verilən məlumata görə, tədbirin təşkilatçıları Azərbaycandan olan tərəfdarları ilə birgə Britaniyanın “TMI Consultancy” konsaltinq şirkətidir.
Eyni zamanda Almatıda və Tbilisidə keçiriləcək Workshoplar “B2B Luxury & MICE Workshop” layihəsinin bir hissəsidir.
Workshop təşkilatçıların xarici qonaqlar üçün xüsusi olaraq hazırladıqları Azərbaycandan xaricə turizm bazarının təqdimatı ilə başlayacaq. Bu təqdimat çərçivəsində “B2B Luxury & MICE Workshop” Bakıda aparıcı turizm agentiklərinin nümayəndələri, ekspertlər ilə sual-cavab formatında diskussiya təşkil edəcək.
“B2B Luxury & MICE Workshop”da ilk dəfə “Belmond” (dünya üzrə), “Grecotel” (Yunanıstan), “Kilit Hospitality Group” (Türkiyə) və “Vichy Célestins Spa Hôtel” (Fransa) kimi məşhur və nüfuzlu hotel və hotellər qrupu iştirak edəcək.