“Wizz Air“ aviaşirkəti Kutaisidən Londona ucuz reyslər açır. Seyyah.az xəbər verir ki, yeni aviareys bu il iyun ayının 18-dən etibarən işə düşəcək. Reysin qiyməti cəmi 35 funtdur.
Macarıstanın “Wizz Air” loukosteri həftədə iki dəfə Kutaisidən Londona birbaşa uçuşlar həyata keçirəcək. Gürcüstanın İqtisadiyyat və Dayanıqlı İnkişaf Nazirliyinin verdiyi məlumata görə, uçuşlar Kutaisidə David Aqmaşenebeli adına beynəlxalq hava limanından həyata keçiriləcək.
Londona uçuşlar Airbus A320 və A321 təyyarələri ilə həftənin 2-ci və 4-cü günləri baş tutacaq. Həyata keçiriləcək yenilik nəinki Gürcüstan turizminə, həmçinin ingilis turistlərin Azərbaycanı yaxından tanımağına imkan verəcək.
Mənbə: Turizm.fins