Azərbaycan zənginləri: Bakıdan İstanbula özəl təyyarə ilə 30 min avroya... - FOTO

Xəbərlər 23 Mart 2017 00:00 683
Azərbaycan zənginləri: Bakıdan İstanbula özəl təyyarə ilə 30 min avroya... - FOTO

"İndiyə qədər "Jet Havayolları"nın əsas müştəriləri zəngin ərəblər və azərbaycanlılar idi"

Azərbaycanda hökm sürən iqtisadi tənəzzülə, gəlirlərin kəskin azalmasına baxmayaraq zənginlər-oliqarxlar və onların oğul-uşaqları dəbdəbəli həyat tərzini dəyişmək niyyətində deyillər. Seyyah.az virtualaz.org-a istinadən xəbər verir ki, belələri Azərbaycandan Türkiyənin hansısa şəhərinə, yaxud başqa ölkəyə uçmaq istəyirlərsə, adi sərnişin reyslərinin biznes-klass salonlarına bilet almağı belə özlərinə sığışdırmırlar, Türkiyənin "Jet Havayolları" biznes aviasiyası şirkətindən özəl təyyarələr kirayələyirlər. Bunu Türkiyə mətbuatına açıqlamasında "Jet Havayolları" şirkətinin Türkiyə üzrə direktoru Fərda Gündüz deyib.

Azərbaycan zənginləri: Bakıdan İstanbula özəl təyyarə ilə 30 min avroya... - FOTO

Fərda Gündüz bildirib ki, indiyə qədər "Jet Havayolları"nın əsas müştəriləri zəngin ərəblər və azərbaycanlılar idi. Son vaxtlar isə Rusiyadan zənginlər arasından şirkətin müştəriləri artıb. Zəngin ruslar Moskvadan İstanbula uçmaq üçün 50 min avrodan keçib lüks salona malik özəl təyyarə kirayələyirlər. Fərda Gündüz deyir ki, ərəblər, azərbaycanlılar və ruslar öz lüks həyatlarından güzəştə getmək niyyətində deyilər. "Məsələn, ailələrini, dost-tanışlarını harasa dəvət edəndə bunu onların hüzuruna özəl jet göndərərək edirlər. Zənginlər, xüsusən, işgüzar toplantılarda tərəfdaşlarında güclü təəssürat oyatmaq üçün özəl təyyarə sifariş verirlər" - o deyib.

https://i.virtualaz.org/185869_src.jpg

Fərda Gündüz əlavə edib ki, Türkiyədəki kirayəlik jetlər lüks təchizatı, tutumu və texniki göstəricilərinə görə zənginlərin bütün ehtiyaclarına cavab verir. "Son model jetlərimiz zəngin xariciləri istər Türkiyəyə, istərsə də onların istədiyi başqa ölkələrə daşıyır" - şirkət direktoru bildirib. Fərda Gündüzün dediyinə görə, türk jet kirayələmə şirkətləri təhlükəsizlik və pilotların peşəkarlığına görə xarici müştərilərin etimadını qazanıb. Təyyarələrin kirayəsinin haqqı modelindən asılı olaraq dəyişir. Məsələn, 6-8 nəfərlik özəl təyyarə ilə Moskvadan İstanbula, İstanbuldan Londona, Dubaydan Londona 50 min avroya getmək olar. Moskva-London və Dubay-London reysləri üçün 60 min avro ödəmək lazımdır. Bakıdan İstanbula isə belə təyyarələrdə 30 min avroya uçmaq olar. Dubaydan İstanbula özəl təyyarə ilə uçmaq 40 min avrodur. "Bizim təyyarələrin salonunda hamam, yataq otağı, iş kabineti də var" - şirkət direktoru deyib.

https://i.virtualaz.org/185872_src.jpg

Qeyd edək ki, Azərbaycanın da özünün biznes-aviasiya şirkəti "Silk Way Business Aviation" fəaliyyət göstərir. Bu şirkət "Gulfstream" təyyarələrinin ən son modelləri ilə təchiz olunub. O zaman Azərbaycan zənginləri niyə pulları Türkiyədən təyyarə kirayələməyə verirlər? Bəlkə "Gulfstream"larda uçmaq daha bahadır?

 

OXŞAR XƏBƏRLƏR