Yayda ən ucuz istirahət hansı ölkədədir?

Artıq yay mövsümünün başlanması ilə məzuniyyətə gedənlərin sayı artır. Ona görə də indi ən aktual sullardan biri budur - yay istirahəti üçün  ən ucuz ölkə hansıdır?

Seyyah.az-ın bu sualını turizm şirkətlərindən birinin meneceri Nigar Qaraxanova cavablandırıb. Bildirib ki, yayda istirahət üçün ən ucuz ölkə Türkiyədir. Belə ki, Antalyadakı  istirahət mərkəzləri azərbaycanlı turistlərin ən sevimli xarici turizm məkanları olmaqla yanaşı, həm də ən ucuz məkanlardan biridir.

Belə ki, Antalyada iki nəfərin 3 ulduzlu hoteldə 3 gecə 4 gün gecələməsi 436 dollara başa gəlir. Qeyd edək ki, bu qiymətə all inclusive daxildir.

N. Qaraxanovanın sözlərinə görə,  Antalyadan sonra azərbaycanlı turistlər arasında ən populyar istiqamətlərdən biri də Budapeşt və Praqadır. Bunun bir səbəbi də həmin istiqamətlərdə qiymətlər digərləri ilə müqayisədə daha ucuzdur. Turizm şirkətlərindən verilən məlumata görə, həmin şəhərlərdə 4 günlük istirahət təxminən 500- 600 avroya başa gəlir.

Mənbə: Turizm.fins