Tiflisə gedənlər, ehtiyyatlı olun! – CƏRİMƏLƏNƏ BİLƏRSİNİZ

Tiflisdə küçəyə zibil atılması nəticəsində yazılan cərimələrin miqdarı 42 min 710 lari təşkil edib. Seyyah.az xəbər.ge-yə istinadən xəbər verir ki, "Tbilservice Group"un nəzarət xidmətinin inspektorları 411 cərimə protokolu tərtib ediblər. Bunlardan 378-i küçəyə atılan 2 kiloqramadək olan zibilə görə tərtib edilib. Cərimələrin 151-i isə xarici ölkə vətəndaşlarına yazılıb.

Cərimələrin məbləği

İki kiloqramadək atılan zibilin cəriməsi - 80 lari

İki kiloqramdan artıq atılan zibilin cəriməsi - 150 lari

Zibil binadan atıldığı təqdirdə cərimənin miqdarı artır.

Bu halda:

İki kiloqramadək atılan  zibilin cəriməsi - 150 lari

İki kiloqramdan artıq atılan zibilin cəriməsi - 500 lari

Qeyd olunan cərimə sistemi bu il aprelin 3-dən qüvvəyə minib. Aprelin 20-dək əhali arasında bununla bağlı məlumatlandırma aparılıb.

Bu tarixdən etibarən isə cərimələrin yazılması davam edir.  İndi Tiflisdə bununla bağlı  10 inspektor çalışır.

Mənbə: Turizm.fins