1 iyun Uşaqların Beynəlxalq Müdafiəsi Günü ilə əlaqədar həmin gün Dənizkənarı Milli Parkda attraksionlar pulsuz olacaq. Bu barədə Dənizkənarı Bulvar İdarəsinin rəis müavini Nazim Məcidov məlumat verib.
“Bazar günü səhər saat 9:00-dan günorta saat 13:00-dək pulsuz aksiya keçiriləcək. Bu aksiya əksər attraksionlara aiddir. Bir-iki attraksion var ki, onlar əvvəllər də işləməyib, yenə də işləməyəcək. Bu sıraya "Qorxu evi", "Cinemalar", "Panoram" (şeytan çarxı) aiddir” - deyə, o qeyd edib.
Qeyd edək ki, pulsuz attraksionlar 15 yaşına qədər olan uşaqlar üçün nəzərdə tutulub.
"Gün.az"