Kopenhagendə gecələməklə Qarabağın oyununa bax – QİYMƏTLƏR

Bildiyimiz kimi Çempionlar Liqasının pley-off mərhələsinin ilk matçlarına start verilib. Azərbaycan təmsilçisi Qarabağ doğma divarlar arasında Danimarkanın Kopenhagen klubu üzərində 1-0 hesabı ilə qələbə qazanıb. İki komanda arasında növbəti qarşılaşma avqustun 23 Kopenhagendə olacaq. Qarabağ klubunun çoxsaylı pərəstişkarlarının olduğunu nəzərə alaraq, Seyyah.az xəbər verir ki, fins.az avqustun 21-25 tarixlərində Danimarkada otel qiymətlərini və avqustun 23 keçiriləcək iki komanda arasında oyuna biletlərin qiymətini öyrənib.

Belə ki, avqustun 22-dən 25 – kimi Danimarkanın paytaxtı Kopenhagenin mərkəzində yerləşən oteldə qonaqlamaq bir nəfər üçün 741 (1260 manat)dollara başa gələcək. Göstərilən tarixlərdə Danimarkanın paytaxtına gediş və qayıdış aviabileti isə 1026 (1745 manat)dollar təşkil edəcək. Qeyd edək ki, uçuş Aeroflot aviaşirkəti ilə nəzərdə tutulub. Uçuş Bakı -Moskva -Kopenhagen olacaq. 

Oyunun bilet qiymətlərinə gəlincə isə avqustun 23-də Parken stadionunda baş tutacaq oyuna bileti online da almaq olar. Bilet qiymətləri isə belədir:

A sektorunda biletin qiyməti 100-185 DKK (26 manat-49 manat)– dan başlayır

B -sektorunda 185 DKK (49 MANAT) – dən başlayır

C-sektorunda 145-233 DKK (38 manat- 63 manat)-dan başlayır

D sektorunda 100-185 DKK (26 manat-49 manat)-dan başlayır