Azərbaycanda özəl kinoteatrlarla bağlı – VACİB QƏRAR

Azərbaycanda özəl kinoteatrlarla bağlı – VACİB QƏRAR
Xəbərlər 13 Sentyabr 2017 10:00 130
Azərbaycanda özəl kinoteatrlarla bağlı – VACİB QƏRAR

Özəl kinoteatrların gündəlik repertuarlarında Azərbaycan filmləri üçün seansların ayrılması nəzərdə tutulub.

Seyyah.az turizm və əyləncə portalının Trend-ə istinadən məlumatına görə, bunu mədəniyyət və turizm nazirinin müavini Ədalət Vəliyev gənc kinematoqrafçılarla görüşündə deyib.

Gələn il milli kinomuzun 120 yaşının tamam olduğunu deyən nazir müavini bildirib ki, nazir Əbülfəs Qarayevin əmrinə əsasən, 15 sentyabr tarixində ölkəmizdə kino mövsümü başlayacaq. Bakıda və ölkənin bütün rayonlarındakı Heydər Əliyev mərkəzlərində, mədəniyyət müəssisələrində müntəzəm şəkildə filmlər nümayiş olunacaq. Bu məqsədlə artıq 2402 müəssisə mövsümün açılışına hazırdır.

Ə.Vəliyev deyib ki, milli filmlərin hərbi hissələrdə, hərbi məktəblərdə, eləcə də, təhsil və islah-əmək müəssisələrində mütəmadi nümayiş olunması nəzərdə tutulub. Bunun üçün müvafiq nazirliklər və dövlət strukturları ilə işgüzar əlaqələr yaradılıb.

OXŞAR XƏBƏRLƏR