Payızda hara səyahət daha ucuz olur ? - AÇIQLAMA
Artıq yay mövsümü başa çatıb. Əsasən yayda səfərlərə çıxan ölkə vətəndaşları arasında məzuniyyətini payız aylarına saxlayanlar da var. Bəs payız mövsümündə hansı istiqamətə daha ucuz və uğurlu səfər etmək olar. Seyyah.az turizm portalı xəbər verir ki, fins.az -a müsahibə verən Fly.az şirkətinin meneceri Sənan Qasımov payız mövsümündə xaricə səfərlər yay mövsümü ilə nisbətdə aşağı statistik nəticələr göstərdiyini bildirdi. Ekspert hazırda səfərlərin əsasən Türkiyədə İstanbul, sentyabr və oktyabr ayının ortalarına qədər Antalya, Rusiya və Avropa ölkələrinə edildiyini söylədi. Onun sözlərinə görə payız mövsümündə aşağı büdcəli turlar əsasən İstanbul, Sankt-Peterburq, Kiyev, Budapeşt şəhərlərinə olur. Sənan Qasımovun sözlərinə görə adları sadalanan şəhərlər oktyabr, noyabr ayları üçün nəzərdə tutulan turlar 300-450 manat civarında təklif olunur müştərilərə.
