Ukrayna turistlərdən 7 milyon dollar qazanacaq

İlkin hesablamalara görə, UEFA Çempionlar Liqasının final oyununu izləmək üçün 70 mindən çox turist Ukraynaya gələcək.Səyyah.az turizm portalının məlumatına görə bunu jurnalistlərə açıqlamasında Kiyev şəhər Dövlət Administrasiyası sədrinin birinci müavini Genadi Plis deyib. Onun sözlərinə görə, hər turist gün ərzində ən azı 100 dollar xərcləyəcək. “Artıq Kiyev şəhərinin bahalı otellərinin nömrələri bron edilib”, - deyə Plis əlavə edib. Qeyd edək ki, Çempionlar liqasının final görüşü 2018-ci il mayın 26-da Kiyevin “Olimpiya” stadionunda keçiriləcək.