Bakıda KFC-lər artır
Dünyanın məşhur “fast-food” restoranlar şəbəkəsi KFC-nin (Kentucky Fried Chicken) Bakıda restoranlarının sayını artırılır. Seyyah.az “KFC-Azerbaijan” şirkətinin məlumatına istinadən xəbər verir ki, növbəti KFC rstoranı Bakıda M.Hadi küç. 2945 məhəllədə, Həzi Aslanov metrosu yaxınlığında açılıb.
İndiyədək Bakıda Park Bulvar, 28 Mall ticarət mərkəzlərində və 28 May metrosu yaxınlığında KFC restoranı istifadəyə verilmişdi.
Qeyd edək ki, KFC brendini Azərbaycanda françayzinq müqaviləsi əsasında “Qarant Holdinq” təmsil edir.
Məlumat üçün bildirək ki, ilk KFC restoranı 1930-cu illərin ortalarında Polkovnik Harland D. Sanders tərəfindən ABŞ-ın Kentuki əyalətində fəaliyyətə başlamışdır.
Heç bir əməliyyatdan keçirilməmiş 100% toyuq ətini, Polkovnik Sandersin 11 ədviyyatlı gizli resepti qarışığına batırılmasından sonra qızardaraq müştərilərinə təqdim edən məşhur restoranlar şəbəkəsi, gündə təxminən 7 milyon müştəriyə ildə 4.5 milyarddan çox toyuq tikəsi satan bir “fast-food” nəhəngidir. KFC 105 ölkədə 15.000-dən çox nöqtədə xidmət göstərir.
