Naxçıvan - Məşhəd qatarı yenidən fəaliyyətə başlayacaq - TARİX
Naxçıvan - Məşhəd qatarı 2018-ci ilin əvvəlindən yenidən fəaliyyətə başlayacaq.
Səyyah.az turizm portalı xəbər verir ki, bu, İran İslam Respublikasının Dəmir Yolları Təşkilatının mətbuat xidmətinın açıqlamasında bildirilir.
Məlumata görə, Məşhəd -Naxçıvan qatarının yenidən fəaliyyəti üçün bu gün Tehranda İran Dəmir Yollar Təşkilatının sərnişinlərə xidmət üzrə idarə rəhbəri ilə “Azərbaycan Dəmir Yolları” Qapalı Səhmdar Cəmiyyətinin rəsmiləri arasında görüş keçirilib. Görüşdə Naxçıvan -Məşhəd dəmir yolu sərnişin qatarında vaqonlarda sərnişinlərə xidmət, məlumatların mübadiləsi və biletlərin satışının təşkili kimi məsələlər müzakirə olunub.
Naxçıvan -Məşhəd dəmir yolu xəttinin uzunluğu Naxçıvandan İranın Culfa şəhərinə kimi 45 km, Culfadan Məşhəd şəhərinə kimi isə 1700 kilometrdir. \APA\
