Dünyanın ən yüksək oteli açılır - AZƏRBAYCANLILAR DA GEDƏ BİLƏR

Dubayda dünyanın ən yüksək oteli bu il açılacaq. 75 mərtəbəli binanın hündürlüyü 356 metr olacaq.

Seyyah.az turizm portalı xəbər verir ki, bu barədə yerli "Time Out Dubai" nəşri yazıb.

Bildirilir ki, "The Gevora" adlı yeni otel hazırda dünyanın ən yüksək mehmanxanası olan "JW Marriott Marquis Dubai"dən hündür olacaq.

Onun hündürlüyü 355 metr təşkil edir və o da Dubayda yerləşir. Şeyx Zayed küçəsində yerləşən yeni "Gevora" oteli 528 nömrədən və 4 restorandan ibarət olacaq.

Lüks sinifli ən kiçik otağın sahəsi 46 kv. m, ən böyük otağın sahəsi isə 85 kv. m. olacaq.

Xatırladaq ki, Dubay Azərbaycan turistlərinini sevimli səyahət məkanlarındandır. Bunu nəzərə alsaq, tezliklə həmyerlilərimiz də dünyanın ən hündür hotelinin xidmətindən istifadə edə biləcəklər.