Türkiyə öz vətəndaşlarına ABŞ-a səfərlə bağlı xəbərdarlıq etdi

Türkiyə öz vətəndaşlarına ABŞ-a səfərlə bağlı xəbərdarlıq etdi
Xəbərlər 12 Yanvar 2018 14:01 134
Türkiyə öz vətəndaşlarına ABŞ-a səfərlə bağlı xəbərdarlıq etdi

Türkiyə Xarici İşlər Nazirliyi ABŞ tərəfinin analoji addımına cavab olaraq, təhlükəsizlik səbəbindən öz vətəndaşlarına Birləşmiş Ştatlara səfərlərindən çəkinmək barədə xəbərdarlıq edib.

Səyyah.az turizm portalı bu barədə Anadolu informasiya agentliyinə istinadla xəbər verir. “ABŞ-da terror aktlarının və zorakılığın artması, həmçinin vətəndaşlarımızın əsassız şəkildə həbs edilməsi və hökumətin onlara qarşı qanunsuz fəaliyyətləri müşahidə olunur. Bununla bağlı vətəndaşlarımıza ABŞ-a səfərləri barədə bir daha düşünmək və təxirəsalınmaz səfərlər zamanı onlara diqqətli olmaq barədə xəbərdarlıq edirik”, - XİN-in bəyanatında belə deyilir.

Bir gün əvvəl ABŞ Dövlət Departamenti terror təhlükəsi və səbəbsiz həbslərlə bağlı amerikalılara imkanları daxilində Türkiyəyə səfərlərdən çəkindirib və bu ölkəni Pakistan, Qvatemala və Sudanla birlikdə “yüksək təhlükə səviyyəsi” olan ölkələr qrupuna daxil edib. Bundan sonra ABŞ-ın Türkiyədəki müvəqqəti işlər vəkili Filip Kosnet Xarici İşlər Nazirliyinə çağırılıb və ona Ankaranın etirazı çatdırılıb. /AZƏRTAC /

OXŞAR XƏBƏRLƏR