Əlverişsiz hava şəraiti ilə əlaqədar “Utair” aviaşirkətinin Bakı-Moskva reysi təxirə salınıb.

FED.az Heydər Əliyev Beynəlxalq Aeroportuna istinadla xəbər verir ki, saat 15:00-da həyata keçirilməli olan UT-746 saylı Bakı-Moskva reysi Moskvada yağan güclü qar səbəbindən təxirə salınıb. “Utair” aviaşirkətinə məxsus “Boeing B737-440” təyyarəsi Heydər Əliyev Beynəlxalq Aeroportundan Moskvanın “Vnukovo” aeroportuna uçmalı idi.

Qeyd edək ki, Moskvada yağan güclü qar səbəbindən 20-yə yaxın aviareys təxirə salınıb.