Dünyanın ən zərif və dəbli şəhərləri
“Zolando” onlayn paltforması Fransanın paytaxtı Parisi dünyanın ən zərif şəhəri adlandırıb.
Aparılan reytinq dəb, nəqliyyat təminatı, küçələrin təmizliyi və şəhərin memarlıq görkəmi ilə bağlı doqquz meyar üzrə hazırlanıb. Paris dünyanın 80 ən dəbli şəhərləri arasında birinci olub. Siyahıda ikinci yerdə London, üçdə isə Vyana qərarlaşıb. Nyu-Yorkdan (yeddinci yer) əlavə ilk onluqda olan şəhərlərin hamısı Avropada yerləşir.
“Biz bilirik ki, zərifliyi pulla almaq olmaz. İstiqamətlər dəyişir, lakin əsl zəriflik dəbdən heç vaxt çıxmır”, – müəlliflər deyiblər.
Reytinqdə dördüncü yerə Venesiya, beşinci – Florensiya, altıncı – Barselona, səkkizinci yerə isə Bordo şəhəri layiq görülüb. İlk onluğa həmçinin Milan və Roma şəhərləri də daxil edilib. Moskva siyahıda 67-ci, İstanbul sonuncu, 80-ci olub.
