“KavMinVod” Kurortları Agentliyi MMC tərəfindən Lerikə info-tur təşkil edilib. Səyyah.az-ın məlumatına görə, info-turda Azərbaycanda fəaliyyət turizm şirkətlərinin nümayəndələri iştirak edirdi. Onlar Lerikdə yeni fəaliyyətə başlayan "Meşəbəyi" sanator-kurort və turizm mərkəzi ilə tanış oldular. Mərkəz bu ilin avqust ayından fəaliyyətə başlayıb. Burda 120- 140 nəfərin istirahəti üçün nəzərdə tutulub. "Meşəbəyi" Sanator-Kurort və Turizm Mərkəzi 2 bölmədə fəaliyyət göstərir. 1-ci bölmə sırf turizm məqsədi daşıyır. Burada səyahətə, istirahətə ailəvi və ya tək gələnlərə mehmanxana, koteclər, restoranlar, əyləncə yerləri, turist marşrutları, bir sözlə, müasir dünya standartlarına uyğun şərait təklif olunur. 2-ci bölmə sanator-kurort məqsədi daşıyır. Bu bölmədə ziyarətçilərə müasir dünya tibb elminin son nailiyyətləri səviyyəsində aparat və avadanlıqla, peşəkar həkimlərin nəzarəti altında müalicə kursu tətbiq edilir və sağlamlığın bərpası üçün yüksək xidmət göstərilir. Bu istirahət və sağlamlıq ocağının yerləşdiyi məkan ekoloji cəhətdən ideal yerdir. Burada səyahətçilər, turistlər, sanator-kurort müalicəsi alanlar sağlam təbiətin ağuşunda özlərindən xəbərsiz belə müalicə olunur, sağlamlıqlarına qovuşurlar.
Sanator-kurorta gələnlər həkimin məsləhəti ilə müxtəlif müalicəvi vannalar qəbul edə bilər. Bunlardan biri də buxar-karbon qazlı vannadır. Yüksək effektli bu vanna ağ ciyərlərin, ürək-damar və nevroloji xəstəliklərin müalicəsi üçün tətbiq olunur. Şarko su şırnağı prosesi isə qan dövranını yaxşılaşdırır, orqanizmdə mübadilə prosesini aktivləşdirir, mərkəzi sinir sisteminə müsbət təsir göstərməklə əzələ tonusunu aradan qaldırır, selyulit və bədənin formalaşmasının profilaktikasında effektli rol oynayır. 4 kameralı qalvanik vannada isə istiqamətləndirilmiş cərəyan bədənin ətraf toxumalarında sinir keçiriciliyinin və qan dövranı pozğunluqlarının bərpa olunma effektivliyini artırır. Mərkəzdə hidro ayromassaj okkervil vannası da təklif edilir. Sirkulyar və yağış duşları isə immuniteti artırır, qan dövranını stimullaşdırır,orqanizmə tonuslaşdırıcı təsir göstərir. Vişi duşu-5 başlıqlı mənbədən istiqamətləndirilən su şırnağı psixoemosional vəziyyətdə olan insanların qan dövranının yaxşılaşmasına, orqanizmin normal halda saxlanmasına müsbət təsir göstərir. Qolfstream sualtı duş massajı-Sualtı hisromassaj orqanizmin toxumalarında düzgün su balansını təmin edir, dərinin oksigenlə təmunatını artırır, orqanizmdən şlakları və toksinləri xaric edir, müqaviməti artırır, spazmatik halları aradan götürür və sinir sisteminə sakitləşdirici təsir göstərir. İstra-H hidromassaj vanna-sinir sistemi xəstəliklərində, qan dövranı pozğunluqlarında, travmaların bərpa edilməsində effekt göstərməklə reflektorlu tonusu azaldır, spazmaya meylliyi aradan götürür. Okkervil kombi vannası-Bu vannada hidrogen sulfid və mineral sulardan istifafə edilməklə dayaq hərəkət aparatı xəstəliklərində, mərkəzi sinir sistemi xəstəlikləri və dəri xəstəliklərində yaxşı nəticələr alınır.
Kolon-hidromat-Müasir tipli cihazlardan biri olmaqla Avropa ölkələrinin müalicə profilaktika və sanator-kurort mərkəzlərində geniş tətbiq edilir, yoğun bağırsağın təmizlənməsi üçün əvəzedilməz metodlardan biri sayılır. Horizontal sualtı dartma-atlanta- bu üsulla osteoxondrozlar, protuziyalar, lyumboişialgiyalar, lyumbalgiyalar, skalyozlar, kompression radikulopatiyalar və Bexterev xəstəliyinin başlanğıc formalarında çox effektli nəticələr əldə edilir. Vertikal sualtı dartma- aist hovuzu- bu metodun iş prinsipi horizontal sualtı dartma ilə eynidir. Sanator-kurortda ultrosəs müyainəsi, elektrokardioqrafiya, laborator müayinələr, duz kamerası (şaxta), iynəbatırma- refleksoterapiya, massaj, inhalyasiya, fizioterapiya xidmətləri də var.
"Müşəbəyi"də koteclərdə bir günlük istirahətin qiyməti 60-80 manat arasındadır. Buraya gündə 3 dəfə yemək və 4 müalicə proseduru daxildir. Bir nəfər üçün müalicəsiz və gündə 3 dəfə yemək daxil olmaqla 55 manatdır. Lerikin Xanlar rayonu ərazisində yerləşən "Meşəbəyi" istirahət mərkəzinin mehmanxanası 20 nəfər üçün nəzərdə tutulub. Ərazi 24 saat müşahidə kamera ilə təchiz olunub. Mərkəzdə 12 yaşa qədər uşaqlar pulsuz istirahət edə bilər. 12 yaşdan yuxarı isə xidmətlər 20 manatdır. "Meşəbəyi" ərazisi təbii içməli su və kükürdlü su ilə təmin edilir. Mərkəzin mətbəxində yalnız milli xörəklər təklif edilir.
İnfo-turun sonunda "KavMinVod" tərəfindən iştirakçılara sertifikatlar təqdim edilib. İnfo-turda "Baku Travel-Tourism", "E&C Travel", "CTC Tourism", "Ok Tours", "Proxy Travel", "Baku Holiday Travel", "VIP Travel" və digər turizm şirkətləri iştirak edib.