Londonda yaşamaq neçəyədir? – QİYMƏTLƏR

Böyük Britaniya paytaxtı London çoxları üçün olduqca maraqlıdır.

Dünyanın əksər ölkələrindən bu şəhərdə yaşamaq istəyənlər var. Bəs görəsən yaşam tərzi və xərclər neçədir bu şərdə?! Səyyah.az turizm portalı xəbər verir ki, bu suala cavab axtaran fins.az bəzi mətləblərə aydınlıq gətirib. Paytaxt Londonda 8.7 milyon nəfər yaşayır. Bir çox ekspertlər Böyük Britaniyanın Avropa Birliyindən çıxması ilə bu şəhərin gəlirlərinin də olduqca azalacağını güman edirlər. Bu şərdə yaşayanlar üçün illik 18 min funtsterlinq aşağı, 30 min funtsterlinq orta, 60 min funtsterlinq isə yüksək gəlirlilik hesab olunur. London şəhərini xərclərinə görə simvolik bölgələrə bölmək olar. Belə ki, şəhərin qərb hissəsi yaşam üçün olduqca baha rayon hesab olunur. Londonun şərqi isə bir qədər səsli-küylü ərazi hesab olunur.

Mənzil

Londonda istər yerli əhali istərsə də xarici vətəndaşlar tərəfindən tələb olduqca çoxdur. Əgər mənzil mərkəzdən kənarda bir neçə nəfər ilə birlikdə kirayələnibsə bu zaman mənzil üçün aylıq ödəniş 500-600 funt təşkil edəcək. Bu qiymətə komunal xidmətlərin daxil edilib edilməyəcəyi isə ev sahibi ilə danışıqdan asılı olacaq. İki otaqlı mənzilllərin kirayə qiymətləri isə yerləşdiyi rayondan asılı olaraq 1100- 4000 funtsterliqn arasında dəyişir.

Ərzaq

Londonda qida məhsullarını almaq üçün yetərli sayda ucuz marketlər var. Burada bir alış-verişə 50 funt xərcləyəcəyiniz dükanlar ,20-30 funtsterlinq xərcləyəcəyiniz supermarketlər də var. Şəhər sakinlərin əksəriyyəti alış-verişi ucuzluğuna görə supermarketlərdən edirlər. 1 kq Pendir – 5-7 funt 1 kq Dana əti – 18 funt 1 kq Toyuq əti – 4-8 funt Balıq – 4 funt 1 kq meyvə-tərəvəz – 2-3 funt

Nəqliyyat

Londonda bir çox şəhərlərin nəqliyyat sisteminin qibtə edəcəyi bir system var. Belə ki, bu şəhərdə Oyster Card adlı ödəniş kartı var ki, bu kart vasitəsi ilə bütün ictimai nəqliyyat vasitələrində ödəniş etmək mümükündür. Avtobusla səfər 1.5 funt təşkil edir. Əgər çatdırsaz bir saat ərzində bu qiymətə iki avtobusa da minmək mümükündür. Tibb Böyük Britaniya ərazisində icbari tibbi sığorta var. National Health Service adlanan bu sığorta ilə ölkənin əksər xəstəxanalarında pulsuz istifadə etmək mümkündür.

Əyləncə 

Londonda əksər insanlar kafe, restoran və kinoteatrlara gedirlər. Orta qiymətli kafedə əyləşmək adambaşına 20-25 funta başa gələcək. Əgər şərabla şam yeməyi etmək qərarına gəlsəz o zaman 30 funt ödəməli olacaqsız. Kinoya bilet 10-12 funtsterliqdir. Londonda bir neçə muzeylərə giriş isə ödənişsizdir.