Mən də getdim: Qış soyuğunda sәyahәt - Vyanaya doğru

Xәritәni qoyduq qarşımıza vә hara gedәk deyә düşünәrkәn Vyana-Praqa sәyahәti barәdә qәrar qıldıq vә budur, başımıza gәlәnlәr.

Avstriyada Erasmus tәlәbәsi olan rәfiqәmiz bizә Vyananı gәzmәkdә kömәk edәcәkdi deyә işimiz asanlaşmışdı, onunla Vyanada görüşәcәkdik vә o, bizlә birlikdә Praqaya gedәcәkdi.

İtaliyadan birbaşa nә Vyanaya, nә dә Praqaya ucuz tәyyarә bileti tapa bildik. Mәcbur olub Budapeştә uçduq ki, ordan avtobusla әvvәl Praqaya, sonra Vyanaya gedәk. Hәm dә, sәyahәt bitdikdәn sonra Bakıya 4 günlük sәfәrimiz vardı. Ona görә yenidәn әziyyәtә qatlaşıb Budapeştә getmәli, ordan da Bakıya uçmalı idik. Qarmaqarışıq mәnzәrә kimi görünür, bilirәm. Amma, daha sәrfәli idi, hәm dә rahat.

Uçuş üçün bileti Macarıstanın milli hava yolları şirkәti Wizzairdәn aldıq. Sәrfәli uçuşlar hәyata keçirdir. Roma-Budapeşt, Budapeşt-Bakı bileti toplam 150 avroya gәlib çıxdı.

Budapeştә uçduğumuz gün yadımdan çıxmır. Hava yağışlı idi, uçuş zamanı bәzәn silkәlәnirdik. Bizim üçün adrenallı uçuş olsa da, digәr sәrnişinlәrә bu heç dә әylәncәli gәlmirdi, deyәsәn. Silkәlәnәrkәn qulağımı batıran qışqırıq sәslәrindәn belә nәticәyә gәldim (şüvәn millәt, әhh!).

Günorta vaxtı Budapeştә çatdıq. Budapeştә ikinci sәfәrim idi. İlk tәәssüratlarım әla idi, Budapeşt yazımdan da aydın görünür, amma budәfәki, yox. Deyәcәm niyәsin.

Nәysә, Budapeştdә hava çox әla idi, qış olmasına baxmayaraq, günәşli idi hava. Halbuki, atam fevralda Budapeşt-Vyana-Praqa sәyahәtimi eşidәndә, iki gündәn bir zәng edib 'Qızım, getmә. Avropa dağılır, hәr yer qar-çovğundu, başına bir iş gәlәr' deyirdi. Qarmı? Kimsә qar dedi? Deyirәm, günәş gözümü çıxarırdı şüalarıyla, bunlar qardan dәm vurur!

Havalimanından çıxmışdıq ki, bir taksi sürücüsü yaxınlaşdı. Ucuz qiymәtә istәdiyimiz yerә aparacağını dedi. Ucuz qiymәt dә nә olsa yaxşıdı? 30+ avro (vijdansız). Biz bunu nә dilә tutduq, gәl görәsәn. Tәlәbәyik deyib ağladıq o ki var. Axırda hәr iki tәrәf dә ortaq mәxrәcә gәlә bildi. Bayaq vicdansız dediyimә baxmayın, yaxşı adam idi. Çamadanımı әlimdәn alıb taksiyә qәdәr apardı. Yol boyu da söhbәtlәşdik.

Avtobus terminalına gedәnә kimi Budapeşti yenidәn seyrә çıxdım. Yenә tәmirlәr baş alıb gedirdi şәhәrdә. Günәşli, isti Budapeşti bir başqa sevmişdim. Payızda daha soyuq idi, nәinki, qışda. Bir ara o qәdәr isti oldu ki, qışın orta yerindә jaketimi çıxardıb gәzәsi oldum.

Bir dә ayıldım ki, budur çatmışıq ünvana. Sağ olsun, çamadanlarımızı baqajdan çıxardıb terminala gedәn yolu göstәrdi. Pulun verib sağollaşdıq sürücü ilә.

Deyim ki, avtobus terminalı havalimanından çox da uzaqda deyil. Avtobusla da havalimanından gәlmәk olur. Bunu qayıdanda bildiyimiz üçün taksi ilә gәlib daha çox pul vermiş olduq (yazıda havalimanından terminala daha sәrfәli necә getmәk barәdә mәlumatlndıracam).

İndi isә keçәk istifadә etdiyimiz nәqliyyata

İlk dәfә idi ki, avtobusla harasa sәyahәt edәcәkdim. Dost әtrafımdan çox insan avtobusla sәyahәt barәdә mәlumatlı olduğu üçün bir neçә dәyәrli mәlumat alıb ona görә hәrәkәt etdim. İlk növbәdә deyim ki, avtobusla sәyahәt hәm ucuz, hәm dә rahatdı (Bakıdakı avtobuslardan fәrqli olaraq, sәrnişinlәr üçün hәr cür şәrait yaradılıb). Bir çox avtobus firmaları var, amma, әn çox istifadә olunanlar Student Agency (narıncı vә geniş avtobuslar -http://www.studentagency.eu/) vә Eurolines ( http://www.eurolines.com/en/) şirkәtinә mәxsus olan avtobuslardı. Vayfay sistemi, rahat oturacaqlar, nahar üçün balaca ön masalar, bilet qiymәtinә daxil olan su, şirniyyat, qәzet kimi xidmәtlәr vә mәnim әn böyük problemim olan - charge (!) sistemilә tәchiz olunan avtobuslarla sәyahәt daha maraqlı keçdi.

Biz öncәdәn bileti rezervasiya etmişdik ki, ucuz başa gәlsin. Amma ki.. Әmması odur ki, burda da başımıza min bir oyun açıldı.
Terminala daxil olub biletimizi götürmәk üçün ofisә yaxınlaşdıq. Ofisdәki qadın çox mәdәniyyәtsiz işçi idi. Hә, unutmadan qeyd edim ki, avro qәbul etmirlәr terminalda. Ac-susuz qalmışdıq, terminalda heçbir mağaza avro qәbul etmәdi, elәcә dә, ofisdәn bilet almaq niyyәtindә olsanız, terminalda olan pul dәyişmә ofislәrinә yaxınlaşmadan bilet ofisinә getmәyin ki, sizә qarşı mәdәniyyәtsizlik olunmasın (Ümumiyyәtlә, milli pulları avro olmayan ölkәlәrdә әn optimal variant kart sistemidi. Yoxsa, hәr pul dәyişimindә babat pul itir arada. Biz dә terminalda aldıqlarımızı kartla ödәdik).

Rezervasiya etdiyimiz biletlәrimizi alıb avtobusun gәlәcәyi platformaya üz tutduq. 5-10 dәqiqә olar ya olmaz, oturmuşduq vә özümü ac hiss etdim. Budapeştdәn Praqaya avtobusla 7 saat yol idi. Tәbii ki, o qәdәr yolu ac qala bilmәzdim. Mәnlә birlikdә olan fәlәstinli qız da ac olduğundan qәrara aldıq ki, terminaldakı mağazalardan nәsә alıb geri qayıdaq. Avtobusun gәlişinә hәlә vaxt vardı.

Tәxminәn 3-4 dәqiqәyә qayıtdıq. Qapıdan çıxıb tam gözümün qarşısında dayanan, avtobusların gediş-gәliş saatları göstәrilәn cәdvәlә baxanda nә görsәm yaxşıdı?! İki dәqiqә әvvәl cәdvәldә yazılan Praqa yazısı silinib, yerinә Berlin yazılıb.

Bu o demәkdir ki, biz avtobusu qaçırmışdıq.

Çox gözәl, çox әla (!).. Qarnımızın bәlasına düşdük. Panika halında, qaçaraq ofisә yaxınlaşıb dәrdimizi anlatdıq. Heyfslәndilәr vә sonrakı avtobusun axşam olacağını dedilәr. Әgәr, o avtobusla gedәsi olsaq, Praqaya sәhәr çatacaqdıq vә bizim bir günlük hostel pulumuz batacaqdı. Nә edәk, necә edәk deyә düşünәrkәn Avstryaya avtobusun olub-olmamasıyla maraqlandıq. Tәxminәn 15 dәqiqәyә Vyanaya avtobus vardı. Qәrara aldıq ki, Vyanaya gedәk, ordan Praqaya keçәrik.

Xoşbәxtlikdәn, әvvәlcәdәn Praqadan Vyanaya avtobus bileti almamışdıq, yoxsa, onun da pulu itәcәkdi.

Qızlar Vyana avtobusu ilә maraqlanarkәn, mәn aldığım isti kruasanları mәdәmә endirәrәk, düşdüyümüz durum barәsindә facebookda status partladırdım (Yadınızdadı, әziz izlәyicilәrim?). Budapeştin milli pulunu avroya çevirdikdә deyә bilәrәm ki, Vyana bileti 13 avroya başa gәldi. Qaçırdığımız avtobusun bileti isә 19 avro idi. Eyni gün axşam Praqaya olan bilet qiymәti isә 40+ avro. Nәdәnsә, Vyana bahalı şәhәr olsa da, Praqanın bileti daha bahalı idi.

Ofisdәn biletlәrimizi dәrhal almalı idiq, çünki artıq avtobus terminalda idi vә sәrnişinlәri gözlәyirdi. Sürücü çox yaxşı adam idi, dәrdimizi başa saldıq vә o, sәrnişinlәri azca da olsa gözlәdә bilәcәyini bildirdi. Bu zaman әrzindә mәn biletlәri almalı, yanımdakı digәr iki qız dostum isә sürücünü bizi götürmәdәn getmәmәyә razı salmalı idi.

Ofisin qarşısında iki çәrәnçi qadın biletindә yaranan problemlә bağlı işçi ilә danışırdı. Müxtәlif jestlәr vә mimikalarla anlatmağa çalışırdım ki, biz gecikirik, bilet almalıyıq, bәlkә, sırasın bizә verdi. Amma, nә söhbәtlәri bitirdi, nә dә ki, mәni veclәrinә alırdılar. Arada sürücü dә ofisә yaxınlaşıb işçini tәlәsdirirdi.

Axır ki, biletlәri işçinin zәhrimar sifәtinә baxmayaraq ala bilmişdim.

Qaça-qaça özümü birtәhәr avtobusa çatdırdım.

Avtobusda yol boyu Vyanadakı hostellәri araşdırırdıq. Düşünmüşdük ki, Praqaya gedib Vyanaya olan avtobusu da, hosteli dә elә Praqada hәll edәrik. Amma, tәrsliklәr ucbatından planımız suya düşmüşdü. Vyanaya gedirdik, amma qalacaq yerimiz yox idi :D

Elә avtobusda Vyanadan bir hostel tapıb gözümüzә kәsdirdik. Amma, rezervasiya etmәdik.

İlk avtobusla sәyahәt tәcrübәm çox pis keçdi. O qәdәr yorğun idim ki, necә oturmuşdumsa, elәcә dә yuxuya getmişdim. 7 saatlıq yolun 5 saatın yolda yatmışdım. Oyananda özümü yanımda oturan oğlanla qucaqlaşıb yatdığımız halda yaxaladım.
Axşam vaxtı Vyana avtobus terminalında idik.

Yarıyuxulu halda özümü Vyananın soyuq küçәlәrindә tapdım. Hava Budapeştә nәzәrәn çox soyuq idi.

Terminalın qarşısındakı yolun әksi istiqamәtindә taksilәr dayanmışdı. O vәziyyәtdә hostelә getmәyin daha sәrfәli yolun düşünmәdәn, bir taksi sürücüsü ilә danışıb maşına oturduq. Adresi tanıdığını, çox da uzaqda yerlәşmәdiyini deyәndә sevindik (bu o demәkdir ki, yol pulu az çıxacaq).

Tәxminәn 20 dәqiqәyә hostelin qarşısındaydıq. İndi isә hostel haqqında mәlumat verim.

Qalacağımız yerin adı Meininger hostel idi (http://www.meininger-hotels.com/). Başqa ölkәlәrdә dә filialları var. Çox әla yer idi. O vaxta kimi gecәlәdiyim әn rahat, әn tәmiz yer idi. Otaqları da geniş vә isti idi.
Öncәdәn rezervasiyamız olmadığından qorxduq ki, yer olmasın. Amma, şansımız gәtirdi. İki günlük hostel üçün adambaşına 29 avro (ilk gün 13, ikinci gün 16 avro) ödәdik. Belә prestijli hostelin ucuz başa gәlmәsi, özü dә Vyana kimi şәhәrdә xoşbәxtlik idi.

Female dormda (qızlardan ibarәt otaq) qalacaqdıq. Otaq, yataqlar rahat idi. Özgә vaxt bir ton axtarış edib heç belә hostelә rastlamırıq. Spontan alınan şeylәr bәzәn yaxşı da ola bilirmiş, öyrәnmiş olduq.
Biz hostelә çatıb yerlәşәnә kimi gecә olmuşdu. Heç çıxıb şәhәri gәzmәyә hal da qalmamışdı. Kәllәmi atıb yatdım.

Sәhәrisi gün erkәndәn oyandım. Yuxumu almışdım deyә gümrah idim. Axşam hoatel işçilәri sәhәr yemәyinin dә olduğunu demişdi, aşağıya düşdük.

Hostelin әla sәhәr yemәyi var vә otaq puluna daxildi. İşçidәn şәhәrin xәritәsin alıb yeyә-yeyә gedәcәyimiz yerlәri işarә etdik. Çıxmadan öncә isә resepşndakı qızla gedәcәyimiz yerlәrin adresi, necә getmәli olacağımız barәdә danışdıq. Bir dә Vyana kartın öyrәndik (http://www.wien.info/en/travel-info/vienna-card).

Çox baha idi deyә muzeylәr üçün kart almadıq, amma, sәrt nәqliyyat cәrimәlәri gözümüzü qorxutdu deyә 18 avro verib nәqliyyat kartı aldıq bir günlük (heç yoxlayan da olmadı, o pul da belә batdı).

Hostelin yaxınlığı marketlәrlә doludu. Pula qәnaәt üçün marketdәn alış-veriş etdik.
Qaldığımız yer mәrkәzdәn uzaq deyildi, gün boyunca Vyananın sarı tramvayları hostel tәrәfdәn keçirdi. Yaxınlıqda da metro vardı. Rahatlıq idi o cәhәtdәn.

Şәhәr barәdә danışım? Vyana çox lüks vә bahalı şәhәrdi. Aristokratik şәhәrlәri sevmirәm dә (kasıb ruhlu insanın Vyananı pislәmәsi).

Şәhәrin özü dә çox gözәl deyildi. Bilmirәm, bәlkә dә, qış olduğundan mәnә belә gәlirdi. Hәm dә ki, Vyanadan sonra Praqanı gördüm vә fәrqlәnmә etdikdә, Vyananı sevmәdim.

Vyananın alman-dilli olması mәni şәhәrdәn daha da soyudurdu. İnsanları da soyuq gәldi mәnә. Küçәdә gülümsәyәn bir insan görmürdüm.

Qaldığımız yerin yaxınlığından kanal keçirdi, kanal tәrәf qraffitilәrdәn bol idi. Ümumiyyәtlә, Vyana da Berlin kimi qraffitilәrdәn bol şәhәrdi.

Elә o kanalı keçәr-keçmәz metro qarşımıza çıxdı.

Eşitdiyimә görә Vyananın metro sistemi әn qarışıq metro sistemlәrindәn sayılır. Bir neçә metro xәtti var: sarı, yaşıl vә sairә. Xәttlәr rәnglәrlә deyil dә, Vyana 1, Vyana 2 (müvafiq ardıcılıq belәcә davam edir) kimi sıralanıb. Maraqlısı odur ki, Vyana 1-in yaxınlığında artan sıra ilә Vyana 2 dayanmır. Mәsәlәn, Vyana 3-dәn sonra Vyana 20 gәlir (İzah edә bilmәk üçün atdım yalandan, Vyana 3-dәn sonra hansı gәlir bilmirәm). Ona görә dә qarışıq metro sistemi kimi gәlir insanlara. Amma, heç dә elә deyil. Çox rahat gәldi mәnә.

(Metro çox tәmizdi, ilahii. Bu da metronu gördükdәn sonra tәәccüblәnmiş mәn)

Bu metro sistemi barәdә dә metroda qarşımıza çıxan bir türk yoldaş mәlumat verdi. Schönbörn sarayını gәzmәk üçün metroya daxil olduq vә yol soruşmaq üçün әvvәl türk olduğunu bilmәdiyimiz bu yoldaşa yaxınlaşdıq. Yol boyu da Vyana haqda mәlumat verdi. Hara getmәli, necә getmәli filan.

Saraydan öncә Vyananın mәşhur zooparkına getmәk istәdiyimizi deyәndә bizi zooparka kimi aparacağını dedi, sağ olsun. Hәtta, sonda nömrәsini dә verdi ki, nәsә olsa әlaqә quraq.

İndi durub zooparkdan yazsam, gülmәrsiz ki? Ömrümdә ilk dәfәydi ki, pinqvin, fil, zürafә, suiti vә әsas da panda görürdüm.

Elә geniş zooparkları var ki, orda olanda heyvanlara olan münasibәtә vә qulluğa baxdım vә yadıma Bakıdakı zoopark düşdü. Hәrşey o qәdәr sistemli qurulub ki, insan zövq alır gәzdikcә. Kiçikdәn-böyüyә hamının sevimli yeridi bura. O ki var әylәndim (https://www.zoovienna.at/en/zoo-and-visitors/visitor-information/).

Geniş olduğundan yalan olmasın, bir-iki saat orda qalıb günorta vaxtı Schönburn sarayına doğru getdik (http://www.schoenbrunn.at/en.html).

Saray nә saray.. möhtәşәm yerdi. Amma, qiymәti bahadı. İçәrini hәr detalıyla tanıyanacan gәzdim. Bir ton da maraqlı mәlumat öyrәndim. Mәsәlәn, Mozart ilk dәfә bu sarayda ifa edib. O vaxt 6 yaşı varmış. Pianoda ifasın bitirdikdәn sonra kraliça yanına çağırıb vә çox bәyәndiyin dilә gәtirib. Bu mәlumat ciddi tәsir etmişdi mәnә.

Sarayda o vaxtın hәyat standartları, kral vә kraliçanın, övladlarının yaşam tәrzi göstәrilir.

(Sarayda foto çәkmәyә icazә verilmirdi, ancaq bu fotonu çәkә bildim. O vaxtın geyimlәri)

Sarayın qarşısında geniş park var. Heyf ki, qış olduğundan gül-çiçәksiz park mәnә elә dә cәzbedici gәlmәdi. Yazda gәlin bura, o zaman zövq alacaqsınız.

İlk gün üçün muzeylәri gәzmәyә ara verib, şәhәri tanımaqçün Vyana küçәlәrinin canına düşdük. Axşam vaxtı isә özümüzü Rathause-un qarşısında tapdıq.

Rathause-un qarşısında qurulan süni buz qatında Vyananın cavanları konki sürürdü. Atmosferi elә gözәl idi ki oranın, insan özünü karnavaldaymış kimi hiss edirdi. Mahnılar, rәqs edәnlәr, yeyәnlәr, içәnlәr.. hamı gözәl vaxt keçirdirdi, әylәncә anlayışlarını sevmişdim.

Rathause-a gәldikdәn tәxminәn bir saat sonra hostelә getmәkçün yola çıxdıq, çünki Avstryada tәhsil alan rәfiqәmiz artıq hәmin gün Graz şәhәrindәn Vyanaya gәlmәli vә bizim qaldığımız hostelә yerlәşmәli idi.
Elә dә oldu. Biz hostelә daxil olanda o artıq hosteldә idi. Sabah Vyanada son günümüz idi.
Sәhәr oyanır-oyanmaz tez hazırlaşıb hosteldәn çıxdıq. İlk gedәcәyimiz yer Madam Tussauds idi.

Amsterdamda olarkәn gedә bilmәmişdim, qismәt Vyanaya imiş.
Madam Tussauds gәz-gәz bitmәk bilmirdi ki, bilmirdi (http://www.madametussauds.com/wien/en/).

Madam Tussaudsun axırıncı qapısı muzeyin mağazasına çıxır. Burda turistlәri cәlb etmәk üçün hәrşeyi düşünüblәr. İnsanların әllәrinin maketini belә hazırlayıb satırlar.

Muzeyin yaxınlığında da park vardı, karusellәrin olduğu vә әn әsas Viena Eye-ın yerlәşdiyi park.

Viena Eye qış olduğundan bağlı idi, ürәyimizdә qalan şeylәr siyahısına onu da әlavә etdik.

Günortadan sonra isә Stephanplatz meydanına getdik. Burda kilsәnin tam qarşısında İmperial sarayda hәr gün verilәn klassik musiqi konsertlәri üçün insanlar bilet satır. O meydanda gәzsәniz, sizi dә dilә tutub bilet satmağa çalışacaqlar. Cibinizdә pulunuz varsa, qıyın o pula vә Vyanaya gәlmişkәn bu zövqü dadın, әziz yoldaşlar!

Konsertin olacağı binanı, yәni, İmperial sarayını görmәk üçün bileti bizә satmağa çalışan dostdan yardım aldıq vә sarayı gördük. Vyanada olan hәr tikili kimi, bu da çox aristokratik idi.

Sizә unutmadan Avstirya mәtbәxindәn dә danışım. Әsasәn, İtaliya, Macarıstan vә Balkanların tәsiri olub mәtbәxtlәrinә. Әn mәşhur yemәklәrindәn biri şnitzeldi. Biz şirniyyatlarından daddıq. Әn çox sevilәn şirniyyatlarından biri Apfelstrudeldi :

(İçәrisindә alma әzmәsi vә şәkәr tozu var, belә pis dadı yoxdu)

Amma, mәnim әn çox içәrisi lalә tumlarının әzilmәsi ilә hazırlanmış şirniyyatı xoşladım:

(Bu şirniyyatın adını heyf ki, unutmuşam. Amma Avstryada hәr marketdә satılır)

(Bu da Vyananın mәşhur şirin çörәyi)

St. Stephens kilsәsini dә buraya qeyd edirәm, vaxtınız olsa, gedib görәrsiniz.
Son gün Vyananı son dәfә gecә görüntüsündә gәzdik. Arada bir mağazaya girdim ki, maqnit alım. Amma, gözüm kәllәmә çıxdı. 4 avrodan aşağı maqnit tapmadım. Hikkәmdәn dә maqnit almadım. Lazımından da bahadı hәrşey bu şәhәrdә.
Axşam hostelә gәlib әşyalarımızı yığışdırdıq ki, Praqaya doğru yola çıxaq. Çıxış işlәmlәrin edib terminala yollandıq. Bu dәfә isә taksi ilә yox, metro ilә. Mәgәr metro tam da terminalın qarşısına gedirmiş, boş yerә Vyanaya gәldiyimiz ilk gün taksidәn istifadә etmiş olduq.

Vә yenә hәrşey planladığımız kimi getmәdi. Praqaya hәmin gün avtobus getmirdi. Qaldıqmı Vyanada?!

Hosteldәn çıxmışıq, şәhәr onsuz da bahalıdı, yenidәn hostel tapa bilmәyәcәkdik, çox baha olacaqdı, pulumuz azalıb, özümüz dә әsәbi. Terminalda dedilәr ki, Praqaya sabah sәhәr 6 üçün bilet var, mәcbur olub o bileti aldıq. Vә geriyә bir probleç qaldı, saat 6-ya kimi harda qalacaqdıq?

Yenә cәhәnnәm, yay olsa, sәhәrә kimi şәhәri gәzәrdik, amma qışın çovğununda küçәdә qalası deyildik. Hostelә qayıdıb özümüzü artistliyә vurduq, foyedә oturduq ki, guyamış biz hәlә dә bu hosteldә gecәlәyirik. Kefimiz dә belә istәyib, sәhәrә kimi foyedә oturub söhbәt etmәk istәyirik :D

O gün unudulmaz gün idi. Heç belә macәram olmamışdı, ilahi. Tәsәvvür edin ki, gecәyarısından sonra hamı otağına getdi vә biz 4 qız foyedә qaldıq. Guya yuxumuz yoxdu, amma yuxusuzluqdan ölürdük.