Bu ilin yanvar-iyun aylarında Gürcüstan xarici turizmdən 1 mlrd. 361 mln. dollar məbləğində gəlir əldə edib.

FED.az xəbər verir ki,  bu barədə Gürcüstanın Milli Bankının hesabatında qeyd edilib.

Hesabat dövründə ən çox gəlir 325 mln. dollar olmaqla iyun, ən az gəlir isə 157 mln. dollar olmaqla yanvar ayının payına düşüb.

Qeyd edək ki, cari ilin ilk yarım ilində Gürcüstana 3 561 961 əcnəbi ziyarətçi səfər edib. Onların 600 385 nəfərini Azərbaycandan səfər edənlər təşkil edib.