Nabranda itkin düşən 3 yaşlı oğlan hələ də axtarılır - FOTO
İyulun 22-də Xaçmaz rayonunun Nabran qəsəbəsindəki istirahət mərkəzlərinin birinin ərazisində olarkən naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlunun axtarışları davam etdirilir.
xəbər verir ki, bu sözləri qafqazinfo-ya dünən istirahət mərkəzində itkin düşən 3 yaşlı İsmayılın nənəsi Elnarə Novruzova deyib. Nənənin sözlərinə görə, besetkada oynayan uşaq 5 dəqiqə ərzində yoxa çıxıb:
"Dünən səhər 11-ə qalmış Nabranda yerləşən "Mayak" otelinə getdik. Hadisə isə 12 radələrində baş verib. Mən balaca nəvəmi yedizdirirdim. Atası, babası da orada idi. İsmayıl da elə gözümüzün qarşısında oynayırdı. Başımı qaldıran vaxt uşağın orada olmadığını gördüm. Tez ətrafa, meşəyə, dəniz kənarına, bir sözlə, hər yerə baxdıq, ancaq tapmadıq".
E.Novruzova bildirib ki, son olaraq uşağın əynində göy şortik olub:
"O boyda oteldə bir kamera yoxdur ki, haraya getdiyinə, başına nə iş gəldiyinə baxa bilək. Ağıllı uşaqdır, aktiv olsa da, heç vaxt başımıza belə bir hal gəlməyib. Dünəndən axtarışlar gedir, ancaq hələ də bir nəticə yoxdur. Görənlərdən xahiş edirik (055) 477 70 77 nömrəsi ilə əlaqə saxasın".
Fövqəladə Hallar Nazirliyinin saytına istinadən verdiyi məlumata görə, axtarış-xilasetmə əməliyyatına FHN-in Şimal Regional Mərkəzinin, Mülki müdafiə qoşunlarının, Kiçikhəcmli Gəmilərə Nəzarət və Sularda Xilasetmə Dövlət Xidmətinin, Xüsusi Riskli Xilasetmə Xidmətinin şəxsi heyəti və xüsusi təlim keçmiş itləri cəlb olunub.
Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları və könüllülər də axtarışlarda iştirak edirlər. Axtarış tədbirləri meşəlik ərazidə və suda aparılır.
