Göygöldəki qadağalar tursitlərin sayını azaldıb

Göygöldəki qadağalar tursitlərin sayını azaldıb
Xəbərlər 10 Avqust 2018 10:27 514
Göygöldəki qadağalar tursitlərin sayını azaldıb

 

Cari ildə Gəncəyə ən çox turist İran və Türkiyədən gəlib.

FED.az xəbər verir ki, bu ilin birinci yarısında Gəncə Turizm İnformasiya Mərkəzinə 11 min 243 müraciət olub. Mərkəzə müraciət edən turistlərdən 7 min 328-i yerli, 3 min 915-i xarici ölkə vətəndaşıdır. Bu il Gəncəyə ən çox turist İran və Türkiyədən gəlib. Bunun müqabilində Gəncə sakinlərinin də ən çox səfər etdiyi ölkələr Türkiyə və İran olub. Bu sıraya Gürcüstan və Rusiya da daxildir.

Gəncə Turizm İnformasiya Mərkəzindən bildirilib ki, mərkəz ötən aylar ərzində “Gəncə-Göygöl”, “Gəncə-Daşkəsən-Xoşbulaq”, “Gəncə-Qəbələ” və “Gəncə-Şəki” turizm marşrutları üzrə turlar təşkil edib. Bu turlarda 2 min 660 yerli və xarici turist iştirak edib.

Qərb bölgəsinin mərkəz şəhəri hesab edilən Gəncə isə yerli və xarici turistlərin daha çox ziyarət etdiyi şəhər olub. Bu şəhərin tarixi məkanları, abidələri, dini ziyarətgahları, müasir tikililəri, istirahət və əyləncə mərkəzləri, həmçinin zəngin mətbəxi Gəncəni görmək istəyən turistlərin diqqətini cəlb edib. Ötən ilin müvafiq dövrü ilə müqayisədə Gəncəyə gələn turist sayında 5-6 faiz artım qeydə alınıb.

Mərkəzdən deyilib ki, turist sayındakı artımın nisbətən az olmasının səbəbi bu ildən Göygöl Milli Parkının ərazisində olan istirahət mərkəzləri, otel, kafe və restoranların fəaliyyətinin dayandırılmasıdır. Ərazidəki iaşə obyektlərinin fəaliyyətində ətrafda mövcud ekosistemin pozulmasına və ekologiyanın çirklənməsinə səbəb olan hallar aşkar edildiyindən Ekologiya və Təbii Sərvətlər Nazirliyinin göstərişi ilə onların fəaliyyəti dayandırılıb. Bu hal isə daha çox bölgəyə üz tutan turistlərin sayına təsir edib.

OXŞAR XƏBƏRLƏR