Mən də getdim: İspaniya - Madridә uzanan yol

Barcelona yazımın әvvәlindә dә mәlumat verdiyim kimi, ikinci gedәcәyim ispan şәhәri Madrid olacaqdı.
Xəbərlər 13 Mart 2015 00:00 1937
Mən də getdim: İspaniya - Madridә uzanan yol

Axırıncı dәfә, Barcelonadan avtobusa mindiyim anda qalmışdıq. Davam edim.

Demәk, gecә vaxtı yola çıxmaq hәm yaxşı idi, hәm dә pis. Yaxşı niyә? Mәnә görә yaxşıydı ki, yatacaqdım vә yorğunluğum bәdәnimdәn çıxacaqdı. Hәm dә axşam vaxtı yol gedәndә rahat yatıram ki, onsuz da әtrafı izlәyәrәk yol getmirәm dә. Qaçıracağım heçnә olmur. Yoxsa, gündüz getdiyim hәr yolda bir gözü açıq yatırdım ki, amanın günüdü, birdәn yolda nәsә gözәl mәnzәrә vә ya maraqlı hadisә olar, qaçırdaram (özüm dә hәvәskar fotoqrafam).

Pis cәhәtini isә, elә ilk dәfә Madrid avtobusunda kәşf etdim.

Mәn arxa sıralardan birindә yaşlı adamla oturmuşdum. Bizdәn arxada isә orta yaşlı cütlük әylәşmişdi. Demәk, avtobus yenicә hәrәkәt etmәyә başlamışdı ki, bu cütlük bir dәnә lәzzәtli öpüşdü ki, gәl görәsәn. Normaldı, yәni, sevgilidilәr dә. Sadәcә, tәk problemlәri öpüşlәrinә bombastik (!) sәs effektlәri qatmaları olmuşdu. Ay aman, o nә zülüm idi, axı?! Bir cütlük öpüşürdü, amma elә hiss olunurdu ki, sanki, avtobusun hamısı öpüşür. Bir sәslәr çıxırdı avtobusdan, gәl görәsәn. Arada fikirlәşdim ki, görәsәn, nәfәs alırlar? fasilә verirlәr? Elә bildim, tәk narahat olan mәnәm. Amma, yanımda әylәşәn vә bütün yol boyu yatmağa çalışıb, amma arxadakı mәrdimazarlara görә heçcür yuxuya gedә bilmәyәn daydayın, sözün әsl mәnasında öfüldәmәsini eşidәndәn sonra hiss etdim ki, yox, hamı mıx üstündә oturub. Bir ara arxaya çönüb etiraz sifәti göstәrmәk istәdim, bir dә gördüm ki, o qәdәr öpüşüblәr, avtobusun oturacağından sürüşüb, dizlәrin yerә qoyublar. Bu qәdәr rahat, yәni.

Әslindә, bәlkә dә, oxuyanda mәni konservativ biri kimi tanıya bilәrsiniz (tam әksiyәm, amma), yalnışınız var. Sadәcә iki nәfәrin bütün sәrnişinlәri narahat edib, yuxusuz saxlamaları heç dә düzgün davranış deyil. Mәn axı niyә iki çömçәbaşa (!) görә yuxusuz qalmalıyam?

Nә pis әsәblәşdim, aa.

Nәysә. İki-üç saata fasilә verәsi oldular. Biz dә yatdıq azca. Rahat yol getdik.

Sәhәr tәxminәn sәhәr 5-6 radәlәrindә Madridin avtobus terminalına çatmışdıq.

Mәn vә qrupyoldaşım oyaq idik. Bizimlә sәyahәt edәn digәr yoldaşımız yolun yarısında yerini dәyişib, başqa oturacağa keçmişdi ki, azca yata bilsin. Әşyalarımızı götürdükdәn sonra onu da oyadıb avtobusdan endik.

Terminalda metro xәtti olduğundan işimiz asanlaşmışdı. Әlavә xәrcimiz çıxmadan qalacağımız hostelә gedib çata bilәcәkdik.

Saat tәxminәn 6 olardı. Metro kartı alıb, aşağı endik. Sәhәr olduğundan qatarların gediş-gәlişi hәlә tam qaydasına düşmәmişdi, qatar gecikirdi. Üçümüz dә stansiyada olan oturacağa güc-bәla sığışıb oturmuşduq, hamının gözlәri yuxulu idi. Bütün günü dil-dil ötәn mәn belә yuxusuzluqdan ağzımı açıb danışa bilmirdim. Tam da qatarın gәldiyi anda yoldaşımız pul kisәsini tapa bilmәdiyini dedi. Elә hәrşey bundan sonra başladı.

Çantasını әlәk-vәlәk elәdik, ciblәrini o qәdәr axtarmışdıq ki, şalvarın tikişlәri qopurdu az qala. Yer yarıldı, yerin içinә girdi mәsәlәsi olmuşdu. Birdәn yadına düşdü ki, avtobusda oturacağını dәyişib başqa yerә keçәndә, әlinә pul kisәsin dә alıb vә avtobusda yuxuya gedibmiş. Avtobus dayandıqdan sonra tәlәsik endiyindәn pul kisәsi oturacağın üstündә qalıbmış.

Elә bunu deyәn kimi dәrhal metrodan çıxıb terminalın ofisin axtarmağa başladıq. Çox keçmәdi tapdıq, tapdıq amma, bağlı idi. Mәlum, qarğalar hәlә şeyin elәmәdiyi vaxt idi, çox erkәn saatda ofis niyә açıq olasıdı ki? Tam qarşısındakı stullarda oturub gözlәdik. Çox da narahat deyildik. Çünki, avtobuslarda sistem belәdi ki, sürücü sәrnişinlәri endirib, avtobusu qaraja apardıqdan sonra, bütün avtobusu diqqәtlә gәzir ki, bәlkә kiminsә әşyası, çantası unudulmuş olsun. Biz dә düşündük ki, mütlәq belә olacaq, pul kisәsin alıb gedәcәyik.

Çox keçmәdi ofis açıldı, qızlar yaxınlaşdı ofisә. Mәn dә hәmişәki kimi çantalarımıza nәzarәt edәn olaraq oturası oldum.

Ta-ta-ta-taaam! Yeni problemlә qarşı-qarşıyaydıq. Ofis işçisi ingilis-dilin bilmirdi. Bir ton cümlә qurub, nәfәs almadan qadına dedikdәn sonra onun cavabın gözlәyәrkәn, işçinin bizim qızların üzünә qoyun tәzә qapıya baxırmış kimi baxdığın gördükdәn sonra anladıq ki, ingilis-dili işә yaramayacaq. İspan dilimiz dә 'hola' vә 'adios' ilә limitli olduğundan, tәk çarә ingilis dili bilәn birin tapmaq olmuşdu. Dil bilәn tapmaq üçün o yan-bu yana bir xeylax çırpındıqdan sonra ortayaşlı qadın bizә kömәk edәcәyini dedi.

Elә onun ingiliscәsi dә 'hi' vә 'bye' - dan ibarәt idi. Bilet almağa gәlәn cavan oğlanla birlәşib, dәrdimizi ofis işçisinә deyә bilmişdik. Әvvәl dedilәr ki, gözlәmәliyik. Çünki, avtobus sürücüsü hәmin an yolda imiş vә ona zәng etmәk olmazmış. Nә dәxlisi var, axı? Canına azzar düşmәyәcәk ki bir zәng edәndә. Nәysә, gözlәdik. Gördük vaxt keçir vә hәlә dә xәbәr yoxdu, ofisә yenidәn yaxınlaşdıq. Nә qәdәr çalışdıqsa ki, sürücüyә zәng etsinlәr, ofisdәki qadın nuh dedi, peyğәmbәr demәdi ki, demәdi.

Nә edәk, necә edәk deyә düşünürdük ki, terminalda o baş-bu başa fırlanan polislәri gördük. Polis, nә polis öz dә. Tanrım, bu nә yaraşıq idi, axı? İstәdim ki, mәnim dә pul kisәmi oğurlasınlar vә polislә danışmağa bәhanәm olsun. Amma, yaraşıqlı olsalar da, yaralı barmağa zad edә bilmәdilәr. Yalandan ofis işçisiylә nәsә danışdılar vә sürücüyә zәng çatmır bәhanәsi ilә bizi oradan uzaqlaşdırmağa müvәffәq oldular. Hә, bir dә dedilәr ki, günorta gәlәk, bәlkә, nәsә edә bilәrlәr.

Terminalda artıq vaxt itirmәyә ehtiyac qalmamışdı. Әlimizdәn gәlәn hәrşeyi etmişdik. İş qalırdı pul kisәsini tapan insanın vicdanına. Odur ki, yenidәn metroya enib, hostelә doğru yollandıq.

Metro sistemi haqqında : 282 metro stansiyası var (ohaaaa). Bakıdakı 23 stansiyanı düşünәndә, Madrid metrosu ayrıca dünya kimi gәlir insana. Yәni, adamlar şәhәrin әn ucqar yerinә belә metro xәtti çәkiblәr. Metro 06:30-da işә düşür, 01:30-da isә bağlanır. Tәk gedişli metro bileti 1, iki gedişli metro bileti 1.50, 10 gedişli isә 9.50 avrodu. Mәrkәzi metro xәtti Puerta del Sol adlanır. Elә biz dә bu metro stansiyasının yanında hostel tutmuşduq.

Sol-dan çıxıb bizim Tarqovi küçәsinin ispan versiyası olan küçәyә çıxdıq. Saat 9-10 radәlәri idi. Buna baxmayaraq, küçә insan qaynayırdı. Qaldığımız yerin sağı-solu mağazalar, dükanlar, restoran vә kafelәrlә әhatәlәnmişdi. Çox işlәk meydandı. Azca dolanıb, әtrafı tanımağa çalışdıqdan sonra hostelin adresin әlimizә alıb, bütün küçәni әlәk-vәlәk elәdik. Çox da gәzmәdik bunun üçün. Mәrkәzdә olduğundan asan tapdıq. Qalacağımız hostelin adı Hostel 360 idi.

Hostel 360 : mükәmmәl yerdi. Madridә gәlәcәk olan varsa, mütlәq şәkildә burda gecәlәsin. Rahat, tәmiz, normal qiymәt, әla xidmәt vә mükәmmәl işçi heyәti. Tam ev şәraiti ilә qarşılaşacaqsınız. Bir dә ki, yeni dostluq әlaqәlәri qurmaq üçün әla mәkandı. Bizim çox yaxşı dostlarımız oldu bu hostel sayәsindә. Bir sözlә, razı qalacaqsınız.

Sizә bu hostellә bağlı tәәsüratlarımdan danışım.

İki ya da üçüncü (dәqiq yadımda qalmayıb) mәrtәbәyә qalxıb, qapının zәngin vurduq. Avtomatik qapılar üzümüzә açıldı. Gülәrüz bir xanım bizi qarşıladı. Saat tәxminәn 10 filan idi. Sәhәr idi deyә dünyanın müxtәlif yerlәrindәn Madridi sәyahәtә gәlәn hostel qonaqlarının, mәtbәxdә hazırladıqları qәhvә qoxusunun xoş әtri bütün künc-bucağa yayılmışdı. Әtrafda pijamada yuxulu halda ora-bura gedib-gәlәn, biz yaşlarda çoxlu sәyahәtsevәrlәri gördüm. Tanımadıqlarına baxmayaraq, bizi görәndә 'sabahınız xeyir' deyib gülümsәyirdilәr. Bakıdakı zәhrimar sifәt insanlar, küçәdә gülümsәmәyәn bacı-qardaşları yadıma salanda, heç tanımadığım insanın üzümә gülmәsi lәzzәt elәmişdi. Gündәlik update kimi insanı yenilәyirdi bu gülümsәmәlәr.

Sәhәr vaxtı idi deyә qeydiyyatdan keçә bilmәdik. Otaqlarımızı hazırlayana kimi işçi heyәti bizi rahat etdirmәk üçün әllәrindәn gәlәni edirdi.

Hostelә gәlәn hamını churrosa (ispanların mәşhur vә bir o qәdәr dә dadlı şirniyyatı) dәvәt etdilәr. İsti şokolad ilә yeyilir. Aman Allah, ömrümdә elә dadlı şirniyyat yemәmişdim (DADİBİDAAAD). Bir böyük qabı doldurmuşdular ki, hosteldә olan hamı arada bir gәlib dadsın. O qәdәr bәyәnmişdim ki, sırtıqlığıma salıb qabın yarısın mәn yemişdim. Otaqlarımızın hazır olduğunu demәsәydilәr, o stol arxasından qalxan deyildim, ömür boyu orda qalıb churros yeyә bilәrdim, şәkәr komasına girәnә kimi.

Çantalarımızı yük otağına yerlәşdirib oturduq. Hәlә dә qeydiyyatdan keçmәmişdik, bunun üçün günortanı gözlәmәli idik. Otaqlarımız hazır idi, amma pulu ödәmәmişdik. İşçi qız bizә tәklif etdi ki, qeydiyyat vaxtına kimi, şәhәri qonaqlara tanıtmaq üçün hәr gün hostelә gәlәn bәlәdçi qıza qoşulaq. Hәm şәhәri tanıyacaqdıq (nә var, nә yox), hәm dә qeydiyyata kimi hostelә tıxılıb qalmayacaqdıq. Razılaşdıq.

Metronun yanında toplaşıb uşaqların yığışmasın gözlәdik. Çoxlu bәlәdçi qrupları var idi. Biz, özü alman olan, amma Madriddә tәhsil alıb vә boş vaxtlarında bәlәdçilik edәn oğlanın qrupunda idik (adını unutmuşdum, amma çox yaraşıqlı idi. O gün facebookda onu axtarana kimi bir xeylax әziyyәt çәkmişdim).

Çox pozitiv idi, hәm dә intelektual. Başladı bizә addım atdığımız hәr yerin tarixin danışmağa. İlk gәzdiyimiz yer Puerta del Sol meydanı idi.

Meydan Madridin әn mәrkәzi yeridi. Plaza Mayora yaxındı. Madrid şәhәr qapılarından birinin yerinә inşa edildiyi üçün adını buradan alır (puerta=qapı). Mәrkәz olduğundan turistlәrin vә elәcә dә yerli әhalinin әn sıx toplandığı yerdi.

Mitinq filan olanda da, әhali buraya toplanır (elәcә dә festivallarda). Küçә musiqiçilәri dә çörәk pulların bu meydanın mәrkәz olması sayәsindә çıxardır.

Meydanın ortasında 3-cü Kral Charlesin at üzәrindә heykәli var. Casa de Correous saat qüllәsinin (yeni ildә gerisayım edәrkәn bu saatdan istifadә edirlәr) qarşısında Madridin mәşhur 3 heykәlindәn biri 'Ayı vә Çiyәlәk ağacı' (El Oso y El Modrono) heykәlini görәcәksiniz.

Heykәl әvvәllәr bu meydanda olmayıb, 2009-cu ildә heykәli Sol meydanına yerlәşdiriblәr. Madridin simvollarından sayılır. Әfsanәyә görә, bu heykәl Madridin tarlalarında gәzәn ayılar vә çoxlu sayda yetişdirilәn çiyәlәk tarlaları üçün düzәldilib.

Mәncә, kifayәt qәdәr zәvzәdim bir heykәlә görә. Keçәk növbәti gәzdiyim yerlәrә.

Rәhbәrimiz bizi Sol meydanından Plaza Mayor meydanına apardı. Piyada 2 dәqiqәlik yoldu. Madridin әsas meydanlarından sayılır.

Meydan Habsburqların dövründә inşa edilib. Çox әzәmәtlidi. Әtrafında da bahalı restoran vә barlar var. Bu civarda yaşayan insanların әksәriyyәti varlı tәbәqәdi. Meydanın tam mәrkәzindә 2-ci Felipenin heykәli var.

İspanlarda adәtdi deyәsәn, hәr meydanın mәrkәzindә bir heykәl olmalıdı mütlәq (yenә mәn vә yenә söz soxmaq).

Elә tam burda yeni tanış olduğumuz bәlәdçimiz vә bizlә birlikdә Madridi gәzәn sәyahәtsevәrlәrlә qucaqlaşıb 'cheese' deyәrәk, pozitiv bir fotoya müqәddәs simalarımızı bәxş etdik. O fotonu da bizә heç göstәrmәdilәr, göstәrmәk nәysә dә, o fotonu necә әldә etmәmizlә bağlı bir kәlmә belә demәdilәr (HEÇ MӘNӘ LAZIM DA DEYİL).

Sizә danışım mәşhur Gran Via-dan. Madridin әn mәşhur vә işlәk küçәsi. Tanınmış küçәdi, bir çox kitabda, filmdә adı çәkilir. Madridin möhtәşәm tikililәrini görmәk istәsәniz, bu küçәni başdan sona doğru diqqәtlә gәzin.

Gәlib çıxdıq dünyanın ilk restoranının qarşısına. Bәli, bәli düz eşitdiniz, dünyanın ilk restoranı.

Birinci dәfәydi bu mәlumatla qarşılaşırdım. Dünyanın ilk restoranı Madriddә imiş, bәrpa edә-edә bu günәdәk saxlaya biliblәrmiş.

İçәrisinә girmәdik, elә tam qarşısında dayanıb rәhbәrimizin dәyәrli mәlumatlarına qulaq asdıq. Deyir ki, içәrisi klassik üslubda dizayn edilib vә çox lüksdu. Burda nahar etmәk hәr adamın işi deyil (sözü 'sizi gidi pis fakirlәr' söhbәtinә gәtirmәk istәyirdi, yәni). Bir oturuşa 1000 avro şot (!) çıxırmış (eşit, ama inanma). Lәnәtә gәlsin, kapitalizm!

Burdan ayrılıb körpü altına getdik. Körpünün altı da yaşıllıq idi, yaz havası hiss olunurdu.

Rәvayәtә görә, bir-birini sevәn cütlüyü ayırmağa cәhd etdikdәn sonra, qız gәlib bu körpüdәn özünü atmaq istәyib. Sadәcә, sevdiyi oğlan qızı son anda xilas edib vә xoşbәxt olublar. Hansı şәhәrә dә gedirsәnsә, mütlәq hündür yerdәn kimsә özün atmaq istәyir vә boş yerә dәxlisiz rәvayәtlәr, hekayәlәr yaranır.

Burdan sonra bizi kafeyә gәtirdilәr ki, nahar edәk. Dәli zadıq bәyәm, boş yerә pul ödәyәk? Hәm biz tәdarüklü idik, çantamızda hәrşey vardı. Ona görә dә qrupdan ayrıldıq.

Saat günorta vaxtını göstәrirdi, dünәnki pul kisәsi hadisәsin aydınlaşdırmaq üçün yenidәn terminala getdik. Әliboş qayıdası olduq, kimdi içindә 200 avro olan pul kisәsin qaytaran?

Birbaşa hostelә getdik ki, qeydiyyatdan keçәk, otağımıza yerlәşәk. Hәmin pul kisәsi hadisәsinin baş qәhrәmanı başqa hosteldә qalırdı, biz dә 20 avro ödәyib otağımıza keçdik. Otağımızı çinli, alman vә braziliyalı qızlarla bölüşürdük.

(yenә lәnәt olası ikimәrtәbәli yataqlar vә üst yataq mәnim idi. Heç sevmirәm dә bu üst yataqda yatmağı).

Madriddә iki gün qalacaqdıq deyә bu boyda şәhәri tam gәzә bilmәyәcәkdik vә normal plan hazırladıq ki, heç olmaya әsas yerlәrә gedib baş çәkә bilәk.

Odur ki, mәnә çox qәdimi, әylәncә hәyatı olmayan şәhәr kimi gәlәn vә boz şәhәr adlandırdığım Madrid küçәlәrini yenidәn addımlamağa başladıq.

Madriddә o qәdәr meydan var ki, hamısı da gәzmәli-görmәli yerlәr listindә yer alıb. Adam ancaq meydanları gәzdikdәn sonra ayaq barmaqlarını hiss elәmir. Biz dә gәzintiyә meydanlardan başlamışdıq.

Sizә Plaza de Cibeles-dәn danışım. Madridin mәşhur meydanlarından sayılır. Meydanın tam ortasında 1782-ci ildәn qalma Kibele fontanı var.

Adını Roma tәbiәt tanrısı Kibeledәn alıb. Bu fontanı Real Madrid klubu qalibiyyәtlәrin qeyd etmәk üçün istifadә edir (bunu oxuyanda elә bildim fontanın suyun içirlәr :D sadәcә fontan әtrafına yığışıb, çığırıb-bağırırlar).

Meydanın tam qarşısında Kibele sarayı var. Onun yaxınlığında isә İspaniya bank binası. Kibele sarayını mütlәq görün, çox möhtәşәm tikilidi.

Elә buraları gәzdikdәn sonra gördüm ki, acından öllәm (!) (ölürәm yox ha, öllәm). Bir park tapıb, içәrisinә girdik.

Hәmin gün dә hava necә möhtәşәm isti idi, tanrım. Dәnizә girilәcәk hava idi. Hamı parkda yaşıl otlar üzәrindә uzanıb, şellәnirdi. Çox sakit park deyildi, uşaqların çığırtıları hәlә dә qulağımdadı, köpәhuşaqları. Parkın adı Casa de Campo-du.

Lap, lap әvvәllәr yerli insanlar bu әrazidә ovçuluqla mәşğul olurmuş. İndilәrdә isә әhalinin istirahәt guşәlәrindәn sayılır. İçәrisindә dә böyük göl var (nә kәramәtdirsә, o gölü tapa bilmәdim).
Park deyirәm, amma yalnızca park deyil. İçәrisindә Madridin әn böyük zoopark vә akvariumu da yerlәşir. Plus, lunapark da mövcuddu. Hәlә içәrisindә teliferik vә Madrid Arena da var. Sanki o boyda şәhәrdә yer yoxmuş kimi, nә gәldi bu parkın içinә döşәyiblәr.

İstirahәt üçün әla mәkandı. Nahardan sonra yaşıl otlar üzәrindә uzanıb, özümüzü günәş şüalarına tәslim etdik. Havası isti olan ölkәlәrә varam daaaa.


Yol yorğunu halımızla Madridin bir küncündәn girib, o biri küncündәn nәtәr çıxdıqsa, leşimiz yerlәrdә idi. Çöçәlә barmağım bәdәnimdәn ayrılıb öz azadlığın elan etmişdi, o dәrәcә (uzun müddәt incitdi mәni insafsız).

Odur ki, yollandıq hostelә doğru. O boyda yolu yenidәn piyada qayıtdıq, nә pis xәsislәrik biz aaa!

Mәnim alt qonşum brazilyalı idi. Çox dostcanlıdı, hәlә dә münasibәtimiz davam edir. Bizә birlikdә axşam gәzintisinә çıxmağı dәvәt etdi. Yorğun olsaq da, etiraz etmәdik. Hostel әtrafında balaca bir parka getdik.

Yolda bir kilsәyә dә baş çәkdik.

Yol boyu bol-bol danışıb, bir-birimizi tanımağa çalışırdıq. Qız özü San Paulodan idi. Madridә gәzinti üçün gәlmişdi. Tez-tez sәyahәt etdiyini vә bundan hәdsiz zövq aldığını deyirdi. Evә qayıdanda, bütün yol boyu qızın xahişini dә nәzәrә alaraq, Azәrbaycan xalq mahnıların oxuyaraq addımlayırdıq. Yorğun keçәn günün stresini atırdıq bir növ. Yolüstü bir kafedә dә oturduq. Orda da ispanların milli yemәklәrindәn olan, adını unutduğum bir yemәklә tanış oldum.

Hәmin gün dә otağımıza 2 alman qız gәlmişdi. Sәyahәt edirdilәr. Yolüstü Madridә dәyiblәr (cümlәyә bax da sәn). Ştutqartda (görәsәn, düz yazdım?) yaşayırlar. Çox әylәncәli tip idilәr, gәzdiyimiz yerlәrdәn danışdıq bir xeyli. Onlardan çox gәzmişdik deyә (biz çox az gәzdiyimiz barәdә qәti qәrarlıyıq, amma) bir ton hәyәcanlandılar. Hәmin dövrdә dә alman-dili imtahanına hazırlaşırdıq (yollarda necә hazırlaşırlarsa, o cür), sәhәrә kimi utanmadan qızın üzünә dillәri barәdә nalayiq söyüşlәr dedim. Tәsdiqlәdi vә hәtta әlavә etdi ki, yaxşı ki alman olaraq doğulmuşam vә bu dili öyrәnmәyә mәcbur olmamışam. Qızın dediyi son cümlә ürәyimә necә oturdusa, ikimәrtәbәli yatağın üst mәrtәbәsinin pillәkan yerindә (sonuncu pillә) asılı vәziyyәtdә qalıb, elәcә dә yatıb qalmışam.

Sәhәr oyandım ki, donuram. Çox erkәn olduğundan azca yatmaq istәdim, amma gecәni klubda keçirdib, sәhәrin gözü açılmamış otağa girәn vә içki içdiyindәn ora-bura dәyәrәk sәs çıxardıb, yatmama mane olan alt qonşum, böyük sinәli (!) brazilyalı qıza görә gözümü dә qırpa bilmәdim. Odur ki, aşağı enib, şәpitlәrimi yerlә sürüyәrәk (hikkәmdәn qudurmuşdum deyә acığa edirdim) mәtbәxә yollandım. Amma, sәhәr Avstraliyalı, yaraşıqlı qaqaşın üzümә gülüb 'sabahın xeyir' demәsi bütün hirsimi soyutmağa kömәk oldu. Var olsun.

Hәmin gün Madriddәki son günümüz idi, sabahsı gün erkәndәn Madriddәn Pisa şәhәrinә uçmalı idik. Hәmin günü yaxşı dәyәrlәndirmәk lazım idi.

Rәfiqәmi oyatdım ki, çox gecikmәyәk. Bir dә gördüm ki, o biri yol yoldaşım öz hostelindәn bizimkinә çoxdan çatıb, hәtta çayı soba üstünә qoyub, bizi gözlәyir.

O gün hosteldә bir şey diqqәtimi çәkdi. Demәk, kimsә bazarlıq edir vә hansısa әrzağı istifadә etmirsә vә ya istifadә edib artıq qalırsa, onu xüsusi qutularda 'can be used' (istifadә edilә bilәr) yazısı ilә hosteldәkilәrlә paylaşır. Kimin idi bilmirәm, amma hansısa bacının ya da qardaşın konfetlәrin üyütmüşdüm o gün. Belә halva şeylәri necә sevirәm bir bilsәz, bir bilsәz.

Nәysә. Yola düşmәk vaxtı idi.

Hosteldәn çıxdıq, ilk gedәcәyimiz yeri Retiro park olaraq işarәlәsәk dә, ayaqlarımız bizi bir muzeyә apardı.

Heyf, yadımdan çıxıb adı (internetdәn araşdırma etdikdәn sonra qarşıma ancaq The Wax Museum çıxdı, amma bizim getdiyimiz muzey olması barәdә qәrarsızam), pulsuz idi. Çoxmәrtәbәli vә bir xeylax da әzәmәtli bina idi. Qapıdan içәri girәn kimi, bir-birinә sıx bağlanmış qadın, kişi vә uşaq futbolkalarından ibarәt, adını belә qoya bilmәdiyim (incәsәnәt nümunәsi?) amma, mәncә, dәrin anlama sahib olan bir şey gördüm.

Muzeyin tam mәrkәzindәn, yuxarıdan aşağıya doğru müxtәlif rәngli köynәklәrin niyә oradan asıldığı barәdә çox maraqlanır vә bu barәdә divarlarda mәlumat axtarırdım. Çox keçmәdәn dә tapdım.

Yaradıcısı Kaarina Kaikkonen adlı qadındı. Yaratdığı muasir incәsәnәt nümunәsin 'Sәmaya toxunuş' adı altında sәrgidә nemayiş etdirir. Bir-birinә sıx bağlanmış futbolkalar insanları sıx birlәşmәyә, bir-birinә bağlanmağa çağırır. Onda anladım ki, biz Madrid stansiyasında baş verәn vә çox sayda insanın ölmәsi vә yaralanmasına sәbәb olan terror muzeyindә idik.

Adamlar sәslәrini dünyaya çatdırmaq üçün muzeyi pulsuz ediblәr, düşünün. Çox kәdәrli mәnzәrә idi, terror haqqında xәbәrsiz idim, ta ki bu muzeyә ayaq basana kimi. Әtrafda terrora aid o qәdәr foto var idi, insan kәdәrә boğulurdu.

Sizi dә kәdәrә boğmamaq üçün gülmәli bir şey danışım (siz allah, gülün).

Demәk, hәlә bu muzeyin terrorla bağlılığını anlamadan öncә gәzә-gәzә bir stendin qarşısında dayandım. Ağ vәrәqlәrdә yazılar yazılmışdı. Bir-ikisinә baxdım, amma fәrqli dillәrdә idi, anlamadım. Heç özümә әziyyәt verib ingilis-dillisin dә axtarmadım ki, görüm nә yazıblar. Bir vәrәq dә mәn götürdüm vә üstünә özüm boyda smaylik yapışdırıb 'әla muzeydi' filan yazdım.

Muzeyi gәzib, terror barәdә mәlumatlandıqdan sonra, qaça-qaça gedib o vәrәqi axtardım ki, cırım getsin, biabır olmayım da. Tapa bilmәdim. Anlamadım, ya gözüm görmәdi o hәyәcanla, ya da biri smayliki görüb vә vәrәqi cırıb.

Hara gedirәmsә, mütlәq nәsә axmaqlıq edirәm dә.

Nәysә, muzeydәn çıxdıq, elә azca getmişdik ispanların mәşhur Zәfәr Tağ-ın gördük (Arco de la Victoria). 1950-1956-cı illәr әrzindә hazırlanıb.

İspaniya vәtәndaş müharibәsi zamanı Franconun şәrәfinә inşa edilәn tağ 40 metr yüksәkliyindәdi. Şәhәrә gözәllik verir, xoşuma gәldi.

Yolumuzu Retiro Park tәrәfdәn saldıq. Çünki Madriddә hamı bu parkı ziyarәt etmәmizin vacib olduğun dilә gәtirmişdi.

Parkın bilet ofisi qarşısında elә bir tıxac var idi ki, 28 May stansiyasında tәlәbәlәrin dә dәrsdәn çıxması nәticәsindә yaranan, xaos bәnzәri tıxac bunun yanında heçnә idi. İmәklәyәrәk ofisә yaxınlaşmağa an qalmışdı. O göydәki şahiddi ki, mәn nә zülümlәr çәkdim bilet alana kimi. Deyәsәn, 4 avro ödәmişdik iki nәfәr üçün. Dәqiq yadımda deyil, tәәssüf internetdә dә tapa bilmәdim bilet qiymәtlәri barәsindә.

Bileti aldıq vә bizә xoş xәbәr dedilәr : ' 1 saat әrzindә әylәnә bilәrsiniz'. Bu ki әla idi! Qiymәt ucuz olduğundan düşünmüşdüm ki, yәqin 15-20 dәqiqәlik içәridә qala bilәrdik. Özü dә ilk dәfә olacaqdı ki, qayığı idarә etmәyә çalışacaqdım.

 

OXŞAR XƏBƏRLƏR