Seyyah.az "Marja"-ya istinadən xəbər verir ki,Beynəlxalq standartlara tam cavab verəcək bu məktəb kompleksində təhsil ingilis dilində aparılacaqdır. Bundan əlavə, şagirdlərə Azərbaycan dili mükəmməl öyrədiləcək və ikinci xarici dil seçmək imkanı da yaradılacaqdır.
Məktəb bağça və orta məktəbdən ibarətdir. Bağçaya körpələr iki səviyyə üzrə götürüləcəkdir. "Marja"nın əldə etdiyi məlumata görə, birinci səviyyə üzrə illik təhsil və xidmət haqqı 13 min 235 dollar, ikinci səviyyə üçün isə 13 min310 dollar müəyyən olunub. Qiymətlərə təhsil haqqı, gediş-qayıdış haqqı, kitabın alınması və kafedən istifadə daxildir.
Orta məktəbə şagirdlər isə 1-5-ci siniflər üzrə qəbul ediləcəklər. Qiymətlər siniflər üzrə aşağıdakı kimidir:
ABŞ dolları ilə
| Uşaq Bağçası 1 | Uşaq Bağçası 2 | 1-ci sinif | 2-ci sinif | 3-cü sinif | 4-cü sinif | 5-ci sinif |
Təhsil haqları | 11010 | 11 010 | 11 010 | 11 520 | 11 520 | 11 520 | 12 000 |
Avtobus | 1000 | 1000 | 1000 | 1000 | 1000 | 1000 | 1000 |
Kitablar | 225 | 300 | 300 | 375 | 450 | 450 | 450 |
Kafe | 1000 | 1000 | 1000 | 1000 | 1000 | 1000 | 1000 |
Cəmi | 13 235 | 13 310 | 13 310 | 13 895 | 13 970 | 13 970 | 14 450 |
“SABİS” beynəlxalq məktəbinin Azərbaycanda tərəfdaşı “Azersun Holding”dir.
Qeyd edək ki, ötən ilin Sentyabr ayında “Azersun Holding” şirkətlər qrupu dünyanın ən məşhur məktəblər şəbəkələrindən biri olan “SABİS” ilə müqavilə imzalayıb. Razılaşma, Azərbaycanda ilk dəfə olaraq məhz “Azersun”a məxsus “Dreamland” yaşayış sahəsində “Sabis” məktəb kompleksinin yaradılmasını nəzərdə tutur.