Gürcüstana uçan Azərbaycan vətəndaşları artıq karantindən keçməyəcəklər

Gürcüstana uçan Azərbaycan vətəndaşları artıq karantindən keçməyəcəklər.

Seyyah.az məlumat verir ki, bu barədə qərarı Gürcüstanın Baş Naziri yanında COVID-19 pandemiyasına qarşı mübarizə üzrə idarələrarası koordinasiya şurası qəbul edib.

Qərara əsasən, Gürcüstana birbaşa və ya üçüncü ölkələrdən təyyarə ilə yollanacaq Azərbaycan vətəndaşlarından 72 saatdan gec olmayaraq edilən PCR testinin mənfi nəticəsini təsdiqləyən arayış tələb olunacaq.

Beləliklə, Gürcüstana uçan Azərbaycan vətəndaşları 12 günlük məcburi karantin keçməyəcəklər.

Mənbə: Trend