Türkiyədə beş ulduzlu qatar fəaliyyətə başlayır - İLK DƏFƏ

Türkiyədə 2022-ci ilin fevral ayından etibarən beş ulduzlu “Cappadocia Express” turist qatarının fəaliyyətə başlaması gözlənilir.

Seyyah.az xəbər verir ki, Türkiyənin tarixi Kapadokya bölgəsinə gedəcək bu qatarların İstanbul və Ankaradan hərəkət etməsi planlaşdırılır.

Yaponiyanın “HIS Travel” turizm qrupu ilə Türkiyənin “Sun Group” şirkətinin birgə ərsəyə gətirdiyi bu qatar Türkiyənin ən böyük özəl dəmir yolu turizmi layihəsidir. “Cappadocia Express” layihəsinin ilkin sərmayəsi 40 milyon avro təşkil edir. On iki vaqondan ibarət olması nəzərdə tutulan qatarın beş ulduzlu otel standartlarına cavab verəcəyi bildirilir.

Gələcəkdə layihənin Türkiyənin Qara dəniz bölgəsi istiqamətində davam etdirilməsi gözlənilir.

Mənbə: AZƏRTAC