Aviabiletlərin qiyməti ilə bağlı təkliflər verilib - MÜZAKİRƏLƏR GEDİR

Aviabiletlərin qiymətləri ilə bağlı AZAL-a təkliflərimizi vermişik.

Seyyah.az xəbər  portalı Trend-ə istinadən xəbər verir ki, bunu Dövlət Turizm Agentliyi sədrinin müşaviri Kənan Quluzadə deyib.

Onun sözlərinə görə, bu istiqamətdə müzakirələr gedir.

"Hamı istəyir ki, qiymətlər daha sərfəli olsun. Amma hazırda şəraitin buna imkan verib- vermədiyi məsələsi var. Digər bir tərəfdən başa düşürük ki, qiymətlərin formalaşdırılması qəliz bir prosesdir və maya dəyərindən ucuz ola bilməz", - agentlik rəsmisi bildirib.